استانادا قوناقٷي اۋماعىندا جاسالعان ۇرلىق دەرەگٸ بويىنشا كٷدٸكتٸ ەيەل ۇستالدى. بۇل تۋرالى Polisia.kz حابارلادى.
قالالىق پوليتسييا دەپارتامەنتٸنٸڭ نۇرا اۋداندىق باسقارماسىنا قاراستى كريمينالدىق پوليتسييا قىزمەتكەرلەرٸ جەدەل ٸزدەستٸرۋ شارالارىن جٷرگٸزٸپ, كٷدٸكتٸنٸڭ جەكە باسىن انىقتاپ, ونى قولعا تٷسٸردٸ.
تەرگەۋ مەلٸمەتٸنشە, ەيەل قوناقٷيدٸڭ كٸرەبەرٸسٸندەگٸ رەسەپشٸن ايماعىندا ەركٸن قولجەتٸمدٸلٸكتٸ پايدالانىپ, اقشانى جاسىرىن تٷردە يەمدەنگەن. كەلتٸرٸلگەن شىعىن كٶلەمٸ 156 مىڭ تەڭگەنٸ قۇرادى.
وقيعا ورنىنا جەتكەن جەدەل-تەرگەۋ توبى بەينەباقىلاۋ جازبالارىن زەردەلەپ, كۋەگەرلەردەن جاۋاپ الۋ ارقىلى كٷدٸكتٸنٸ انىقتاعان.
اتالعان دەرەك بويىنشا قازاقستان رەسپۋبليكاسى قىلمىستىق كودەكسٸنٸڭ 188-بابى نەگٸزٸندە سوتقا دەيٸنگٸ تەرگەۋ امالدارى جٷرگٸزٸلۋدە.
پوليتسييا ازاماتتاردى قوعامدىق ورىنداردا جەكە مٷلكٸنە ساق بولۋعا شاقىرادى. ەسٸرەسە قوناقٷيلەردە بٶلمەدەن شىققاندا ەسٸكتٸ قۇلىپتاپ, باعالى زاتتاردى قاراۋسىز قالدىرماۋ قاجەت. سونداي-اق قوناقٷي ەكٸمشٸلٸكتەرٸنە قاۋٸپسٸزدٸك شارالارىن كٷشەيتٸپ, بەينەباقىلاۋ جٷيەسٸن جەتٸلدٸرۋ ۇسىنىلدى.
