Nur-Sultannyń bas memlekettik sanitarlyq dárigeri Janna Pirálieva qalada kinoteatrlar jumysyn qandai jaǵdaida bastai alatynyn túsindirdi, dep habarlaidy "Ult aqparat".
«Koronavirýs infektsiiasynyń taralýyn boldyrmaý jónindegi vedomstvoaralyq komissiia 30% deiingi tolymdylyqty saqtaý, araqashyqtyq pen maska taǵý tártibin ustana otyryp, kinoteatrlardyń jumysyn qaita bastaý týraly sheshim qabyldady. Bul, aýrýshańdyq deńgeii boiynsha «jasyl aimaqqa» enetin óńirlerge qatysty. Nur-Sultan «jasyl aimaqqa» engenine – tórtinshi kún. Sondyqtan biz jaǵdaidy 10-12 kún boiy baqylaityn bolamyz. Eger bul kórsetkish saqtalsa, onda qaladaǵy kinoteatrlardyń jumysyn bastaimyz. Osy ýaqytqa deiin daiyndyq jumystary júrgiziletin bolady», - dedi Janna Pirálieva.
Sondai-aq atap ótilgendei, elorda kinoteatrlary pandemiiada jumys isteýge daiyn bolýy kerek. Iaǵni, kinozaldarǵa araqashyqtyq belgileri, sanitaizerler ornatylýy, qyzmetkerler jeke qorǵanys quraldarymen qamtamasyz etilýi qajet. Kinoteatrlarǵa kire beriste kelýshiler men qyzmetkerler termometriiadan ótýi, sonymen qatar kórermender maska taǵýy kerek. Otyrǵyshtardy adamdar kóp jinalmaityndai etip uiymdastyrý qajet.
