نۇر-سۇلتاننىڭ باس مەملەكەتتٸك سانيتارلىق دەرٸگەرٸ جاننا پٸرەليەۆا قالادا كينوتەاترلار جۇمىسىن قانداي جاعدايدا باستاي الاتىنىن تٷسٸندٸردٸ, دەپ حابارلايدى "ۇلت اقپارات".
«كوروناۆيرۋس ينفەكتسيياسىنىڭ تارالۋىن بولدىرماۋ جٶنٸندەگٸ ۆەدومستۆوارالىق كوميسسييا 30% دەيٸنگٸ تولىمدىلىقتى ساقتاۋ, اراقاشىقتىق پەن ماسكا تاعۋ تەرتٸبٸن ۇستانا وتىرىپ, كينوتەاترلاردىڭ جۇمىسىن قايتا باستاۋ تۋرالى شەشٸم قابىلدادى. بۇل, اۋرۋشاڭدىق دەڭگەيٸ بويىنشا «جاسىل ايماققا» ەنەتٸن ٶڭٸرلەرگە قاتىستى. نۇر-سۇلتان «جاسىل ايماققا» ەنگەنٸنە – تٶرتٸنشٸ كٷن. سوندىقتان بٸز جاعدايدى 10-12 كٷن بويى باقىلايتىن بولامىز. ەگەر بۇل كٶرسەتكٸش ساقتالسا, وندا قالاداعى كينوتەاترلاردىڭ جۇمىسىن باستايمىز. وسى ۋاقىتقا دەيٸن دايىندىق جۇمىستارى جٷرگٸزٸلەتٸن بولادى», - دەدٸ جاننا پٸرەليەۆا.
سونداي-اق اتاپ ٶتٸلگەندەي, ەلوردا كينوتەاترلارى پاندەمييادا جۇمىس ٸستەۋگە دايىن بولۋى كەرەك. ياعني, كينوزالدارعا اراقاشىقتىق بەلگٸلەرٸ, سانيتايزەرلەر ورناتىلۋى, قىزمەتكەرلەر جەكە قورعانىس قۇرالدارىمەن قامتاماسىز ەتٸلۋٸ قاجەت. كينوتەاترلارعا كٸرە بەرٸستە كەلۋشٸلەر مەن قىزمەتكەرلەر تەرمومەترييادان ٶتۋٸ, سونىمەن قاتار كٶرەرمەندەر ماسكا تاعۋى كەرەك. وتىرعىشتاردى ادامدار كٶپ جينالمايتىنداي ەتٸپ ۇيىمداستىرۋ قاجەت.
