Video kadry
Astanada burynǵy inkassator bankomattan aqsha urlady degen kúdikke ilindi, dep habarlaidy "Ult aqparat" IIM baspasóz qyzmetine silteme jasap.
Urlyq osy jyldyń tamyz aiynda jasalǵan. 5 aiǵa jýyq ýaqyttan keiin júrgizilgen tekserý barysynda 3 million 760 myń teńge kólemindegi iri qarjy tapshylyǵy anyqtalǵan.
Beinebaqylaý kameralaryn qarap shyqqan tártip saqshylary kúdiktiniń izine túsken. Beinejazbada tańǵy ýaqytta betin jaýyp alǵan er adamnyń bank filialynyń ǵimaratyna qalai kirgeni kórsetilgen. Ol bank apparatyn ashyp, qolma-qol aqsha salynǵan diskilerdi alyp ketken.
Urlyqqa burynǵy inkassatordyń qatysy bar ekeni belgili bolǵan. Buǵan deiin 27 jastaǵy kúdikti 2 ai jumys istep, aqsha tasymaldaýmen ainalysqan. Ol jumystan shyqqannan keiin bankomattyń kirý kodtaryn biletin bolǵandyqtan aqsha urlaýǵa bel býǵan.
"Qazirgi ýaqytta bul derekke qatysty QR QK 188-babynyń 3-bóligi boiynsha sotqa deiingi tergeý amaldary júrgizilip jatyr. Er adam kinásin moiyndady" - delingen habarlamada.
