ۆيدەو كادرى
استانادا بۇرىنعى ينكاسساتور بانكوماتتان اقشا ۇرلادى دەگەن كٷدٸككە ٸلٸندٸ, دەپ حابارلايدى "ۇلت اقپارات" ٸٸم باسپاسٶز قىزمەتٸنە سٸلتەمە جاساپ.
ۇرلىق وسى جىلدىڭ تامىز ايىندا جاسالعان. 5 ايعا جۋىق ۋاقىتتان كەيٸن جٷرگٸزٸلگەن تەكسەرۋ بارىسىندا 3 ميلليون 760 مىڭ تەڭگە كٶلەمٸندەگٸ ٸرٸ قارجى تاپشىلىعى انىقتالعان.
بەينەباقىلاۋ كامەرالارىن قاراپ شىققان تەرتٸپ ساقشىلارى كٷدٸكتٸنٸڭ ٸزٸنە تٷسكەن. بەينەجازبادا تاڭعى ۋاقىتتا بەتٸن جاۋىپ العان ەر ادامنىڭ بانك فيليالىنىڭ عيماراتىنا قالاي كٸرگەنٸ كٶرسەتٸلگەن. ول بانك اپپاراتىن اشىپ, قولما-قول اقشا سالىنعان ديسكٸلەردٸ الىپ كەتكەن.
ۇرلىققا بۇرىنعى ينكاسساتوردىڭ قاتىسى بار ەكەنٸ بەلگٸلٸ بولعان. بۇعان دەيٸن 27 جاستاعى كٷدٸكتٸ 2 اي جۇمىس ٸستەپ, اقشا تاسىمالداۋمەن اينالىسقان. ول جۇمىستان شىققاننان كەيٸن بانكوماتتىڭ كٸرۋ كودتارىن بٸلەتٸن بولعاندىقتان اقشا ۇرلاۋعا بەل بۋعان.
"قازٸرگٸ ۋاقىتتا بۇل دەرەككە قاتىستى قر قك 188-بابىنىڭ 3-بٶلٸگٸ بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. ەر ادام كٸنەسٸن مويىندادى" - دەلٸنگەن حابارلامادا.
