"Báiterek" monýmenti jóndeý jumystaryna jabylady, - dep habarlaidy kaz.tengrinews.kz tilshisi "Astana Báiterek" AQ-ǵa silteme jasap.
EXPO-2017 kórmesi qarsańynda "Báiterek" monýmentiniń kúrdeli jóndeýden ótetini belgili boldy.
"Jóndeý jumystary 2017 jyldyń basyna, úsh ai merzimge josparlanyp otyr", - delingen "Astana Báiterek" JShS-dan redaktsiianyń saýalyna berilgen jaýapta.
Habarlamada monýment "shary" kóp qabatty shynypaketten jasalǵany jáne ol ýaqyt óte aýa temperatýrasynyń aýytqýlary áserimen shytynaityny, sol sebepti aýystyrylyp turatyny aitylǵan.
Sonymen qatar, shynypaketterdiń ishki qabattary tek aýa temperatýrasynan emes, shaiqylyp turýdan da búlinedi eke. "Shaiqalýdan bir ret shytynaǵan. Shardyń shaiqalý amplitýdasy 70 santimetr. Biz shytynaǵan jerlerdi únemi aýystyryp turamyz. Búginde jóndeletin jumys kólemi artyp ketkendikten, monýmentti kúrdeli jóndeýden ótkizý sheshimi qabyldandy", - deidi "Astana-Báiterek" JShS direktorynyń orynbasary Hasen Latypov.
"Astana-Báiterek" JShS ókilderi jóndeý jumystary memlekettik biýdjet esebinen júrgiziletinin atap ótti.
"Báiterek" monýmenti - metalldan, áinek pen betonnan jasalǵan bul "terek" sáýlettik maǵynasy jaǵynan da, jasalýy jaǵynan da biregei: biiktigi 105 metrlik metall quramasynan, salmaǵy 1000 tonnadan joǵary bes júzge jýyq qadadan turady.Álemde birinshi ret diametri 22 metrlik jáne salmaǵy 300 tonnadan turatyn kúnniń túsýine qarai túsin ózgertetin "hameleon" áineginen jasalynǵan shar biiktigi jaǵynan rekordqa (álemdegi eń úlken shardyń eń biike kóterilýi boiynsha) ie boldy."Báiterek" - qazirgi Qazaqstannyń nyshan-simvoly.
.jpeg)