استانادا "بەيتەرەك" مونۋمەنتٸ جابىلادى

"بەيتەرەك" مونۋمەنتٸ جٶندەۋ جۇمىستارىنا جابىلادى, - دەپ حابارلايدى kaz.tengrinews.kz تٸلشٸسٸ "استانا بەيتەرەك" اق-عا سٸلتەمە جاساپ. 

EXPO-2017 كٶرمەسٸ قارساڭىندا "بەيتەرەك" مونۋمەنتٸنٸڭ كٷردەلٸ جٶندەۋدەن ٶتەتٸنٸ بەلگٸلٸ بولدى. 

"جٶندەۋ جۇمىستارى 2017 جىلدىڭ باسىنا, ٷش اي مەرزٸمگە جوسپارلانىپ وتىر", - دەلٸنگەن "استانا بەيتەرەك" جشس-دان رەداكتسييانىڭ ساۋالىنا بەرٸلگەن جاۋاپتا. 

حابارلامادا مونۋمەنت "شارى" كٶپ قاباتتى شىنىپاكەتتەن جاسالعانى جەنە ول ۋاقىت ٶتە اۋا تەمپەراتۋراسىنىڭ اۋىتقۋلارى ەسەرٸمەن شىتىنايتىنى, سول سەبەپتٸ اۋىستىرىلىپ تۇراتىنى ايتىلعان. 

سونىمەن قاتار, شىنىپاكەتتەردٸڭ ٸشكٸ قاباتتارى تەك اۋا تەمپەراتۋراسىنان ەمەس, شايقىلىپ تۇرۋدان دا بٷلٸنەدٸ ەكە. "شايقالۋدان بٸر رەت شىتىناعان. شاردىڭ شايقالۋ امپليتۋداسى 70 سانتيمەتر. بٸز شىتىناعان جەرلەردٸ ٷنەمٸ اۋىستىرىپ تۇرامىز. بٷگٸندە جٶندەلەتٸن جۇمىس كٶلەمٸ ارتىپ كەتكەندٸكتەن, مونۋمەنتتٸ كٷردەلٸ جٶندەۋدەن ٶتكٸزۋ شەشٸمٸ قابىلداندى", - دەيدٸ "استانا-بەيتەرەك" جشس ديرەكتورىنىڭ ورىنباسارى حاسەن لاتىپوۆ.

"استانا-بەيتەرەك" جشس ٶكٸلدەرٸ جٶندەۋ جۇمىستارى مەملەكەتتٸك بيۋدجەت ەسەبٸنەن جٷرگٸزٸلەتٸنٸن اتاپ ٶتتٸ.

"بەيتەرەك" مونۋمەنتٸ - مەتاللدان, ەينەك پەن بەتوننان جاسالعان بۇل "تەرەك" سەۋلەتتٸك ماعىناسى جاعىنان دا, جاسالۋى جاعىنان دا بٸرەگەي: بيٸكتٸگٸ 105 مەترلٸك مەتالل قۇراماسىنان, سالماعى 1000 توننادان جوعارى بەس جٷزگە جۋىق قادادان تۇرادى.ەلەمدە بٸرٸنشٸ رەت ديامەترٸ 22 مەترلٸك جەنە سالماعى 300 توننادان تۇراتىن كٷننٸڭ تٷسۋٸنە قاراي تٷسٸن ٶزگەرتەتٸن "حامەلەون" ەينەگٸنەن جاسالىنعان شار بيٸكتٸگٸ جاعىنان رەكوردقا (ەلەمدەگٸ ەڭ ٷلكەن شاردىڭ ەڭ بيٸكە كٶتەرٸلۋٸ بويىنشا) يە بولدى."بەيتەرەك" - قازٸرگٸ قازاقستاننىڭ نىشان-سيمۆولى.