Foto: Polisia.kz
Elordada balalaryn filmge túsirmek bolǵan ana alaiaqqa aldanyp qaldy, – dep habarlaidy "Ult aqparat" Polisia.kz media-portalyna silteme jasap.
Qala turǵyny politsiiaǵa aryzben júginip, belgisiz adamnyń tarapynan alaiaqtyq áreketterdiń qurbany bolǵanyn jáne aqshasynan aiyrylǵanyn aityp aryzdanǵan.
"Tergeý barysynda áiel WhatsApp messendjeriniń chatynan jas jigittiń belgili bir somadaǵy aqshaǵa telehikaiada ról usynǵany týraly habarlandyrýyn kórgeni anyqtaldy.
Áiel onyń ýádelerine qyzyǵyp, 600 myń teńge jiberip, balalary kinoda ról alady dep úmittengen. Biraq kúdiktiniń ýádeleri eki aiǵa sozylyp, osy ýaqyt ishinde ol ártúrli syltaý aitqan. Osylaisha, telehikaia rólinde oinaýdy kúte-kúte jalyqqan áiel politsiiaǵa júgingen.
Jedel-izdestirý is-sharalaryn júrgizý nátijesinde Baiqońyr aýdany PB kriminaldyq politsiia qyzmetkerleri qalanyń 22 jastaǵy turǵynyn anyqtady. Onyń elorda aýmaǵynda jasalǵan alaiaqtyqtyń úsh epizodyna qatysy bar ekeni anyqtalǵan. Qazirgi ýaqytta onyń basqa da osyǵan uqsas qylmystarǵa qatysy bar-joǵy tekserilip jatyr" - delingen habarlamada.
Atalǵan faktige qatysty QR QK-niń 190-baby (Alaiaqtyq) boiynsha sotqa deiingi tergeý amaldary júrgizilip jatyr.
Kúdikti moiyndaý kórsetpelerin bergen.
Astana qalasynyń politsiia departamenti azamattarǵa qyraǵy bolýdy, beitanys adamdarǵa senbeýdi eskertedi.
