فوتو: Polisia.kz
ەلوردادا بالالارىن فيلمگە تٷسٸرمەك بولعان انا الاياققا الدانىپ قالدى, – دەپ حابارلايدى "ۇلت اقپارات" Polisia.kz مەديا-پورتالىنا سٸلتەمە جاساپ.
قالا تۇرعىنى پوليتسيياعا ارىزبەن جٷگٸنٸپ, بەلگٸسٸز ادامنىڭ تاراپىنان الاياقتىق ەرەكەتتەردٸڭ قۇربانى بولعانىن جەنە اقشاسىنان ايىرىلعانىن ايتىپ ارىزدانعان.
"تەرگەۋ بارىسىندا ەيەل WhatsApp مەسسەندجەرٸنٸڭ چاتىنان جاس جٸگٸتتٸڭ بەلگٸلٸ بٸر سوماداعى اقشاعا تەلەحيكايادا رٶل ۇسىنعانى تۋرالى حابارلاندىرۋىن كٶرگەنٸ انىقتالدى.
ەيەل ونىڭ ۋەدەلەرٸنە قىزىعىپ, 600 مىڭ تەڭگە جٸبەرٸپ, بالالارى كينودا رٶل الادى دەپ ٷمٸتتەنگەن. بٸراق كٷدٸكتٸنٸڭ ۋەدەلەرٸ ەكٸ ايعا سوزىلىپ, وسى ۋاقىت ٸشٸندە ول ەرتٷرلٸ سىلتاۋ ايتقان. وسىلايشا, تەلەحيكايا رٶلٸندە ويناۋدى كٷتە-كٷتە جالىققان ەيەل پوليتسيياعا جٷگٸنگەن.
جەدەل-ٸزدەستٸرۋ ٸس-شارالارىن جٷرگٸزۋ نەتيجەسٸندە بايقوڭىر اۋدانى پب كريمينالدىق پوليتسييا قىزمەتكەرلەرٸ قالانىڭ 22 جاستاعى تۇرعىنىن انىقتادى. ونىڭ ەلوردا اۋماعىندا جاسالعان الاياقتىقتىڭ ٷش ەپيزودىنا قاتىسى بار ەكەنٸ انىقتالعان. قازٸرگٸ ۋاقىتتا ونىڭ باسقا دا وسىعان ۇقساس قىلمىستارعا قاتىسى بار-جوعى تەكسەرٸلٸپ جاتىر" - دەلٸنگەن حابارلامادا.
اتالعان فاكتٸگە قاتىستى قر قك-نٸڭ 190-بابى (الاياقتىق) بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
كٷدٸكتٸ مويىنداۋ كٶرسەتپەلەرٸن بەرگەن.
استانا قالاسىنىڭ پوليتسييا دەپارتامەنتٸ ازاماتتارعا قىراعى بولۋدى, بەيتانىس ادامدارعا سەنبەۋدٸ ەسكەرتەدٸ.
