Astanada Mádeniet jáne sport ministrligine baǵynysty Sh.Aimanov atyndaǵy «Qazaqfilm» AQ jáne Álidar Ótemuratovtyń «Dar Play» kompaniiasymen birlese túsirgen «Ámire» filminiń tusaýkeseri ótti.
Kinotýyndy qazaqtyń tenor daýysty birtýar ánshici Ámire Qashaýbaevtyń qamshynyń sabyndai qysqa da, jarqyn ǵumyryn baiandaidy. Sondai-aq, filmde Ámire Qashaýbaevtyń tanymal amerikalyq djaz kompozitory Jorj Gershvinmen dostyǵy da kórinis tabady.
1925 jyly Parijdegi Exposition Internationale des Arts Decoratifs et Industriels Modernes aiasyndaǵy dúniejúzilik mýzyka konkýrsyna attanady. Ámire Qashaýbaev KSRO delegatsiiasy qataryndaǵy ónerpazdar arasynan top jaryp, ekinshi oryndy iemdenip, kúmis medal taǵady. Eýropa jurshylyǵyna alǵash bolyp qazaqtyń dástúrli án oryndaý ónerin jáne ulttyq aspap dombyrany pash etken Ámire Qashaýbaev.
QR Mádeniet jáne sport ministri Arystanbek Muhamediuly tarihi tulǵalar jaiynda túsirilgen «Ámire» sekildi filmder sheteldik kórermenniń elimizge degen qyzyǵýshylyǵyn arttyrady dedi: «Prezident Nursultan Ábishuly «Bolashaqqa baǵdar: rýhani jańǵyrý» aty baǵdarlamalyq maqalasynda, rýhani jańǵyrýdyń basty sharty – mádenietimiz ben ulttyq kodymyzdy saqtap qalý. Onsyz rýhani jańǵyrýqur jańǵyryq bolyp qalady dep basa aitty. Elimiz júrgizip otyrǵan saiasatta mádenietke asa kóńil bólingen. Óskeleń urpaqty tárbieleý, ulttyq mádeni murany nasihattaý maqsatynda kinoóndiriske ideologiialyq mán berilgen. Osy oraida, biz búgin nazarlaryńyzǵa elimizdiń dara ánshisi Ámire Qashaýbaev týraly túsirilgen kórkem filmdi usynbaqpyz. Filmde Qashaýbaevtyń 1925 jyly Parijdedegi qaitalanbas jeńisi týraly sóz etiledi. Sondai-aq, Ámire Qashaýbaev týraly elge belgisiz derekter de filmde kórinis tapqan. Ámire birinshi bop Eýropada qazaq ánin áýeletken ánshi. Onyń tulǵasy qazaq óneri jáne jalpy qazaq úshin asa mańyzdy. Ósip kele jatqan jas órender ol týraly bilýleri qajet. Úkimet jáne ministrlik tarapynan osyndai elimizdiń asyl ul-qyzdaryn búgingi urpaqqa tanytýda úlken eńbek atqarylyp jatqanyn aitqym keledi».
Kartinanyń bas prodiýseri, DAR kompaniiasynyń negizin qalaýshy Álidar Ótemuratov aldaǵy tusaýkeser týraly bylai dedi: «Ámire Eýropa qoshemet kórsetip, qol shapalaqataǵan qazaqtan shyqqan alǵashqy ánshi bola tura, óz elinde ádiletsiz umyt bolǵan. Sondyqtan da men úshin osyndai erekshe daryn iesi týraly kópshiliktiń bilgeni mańyzdy. Biz zamandastarymyzǵa Ámire Qashaýbaevtyń qiyn ómir jolyn jáne filmde shyrqalatyn onyń daýysyn estýge múmkindik bergimiz keledi. Ámireni jaqyn tanyp, ulttyq dástúrli ónermen etene tanysqan otandastarymyzdyń boiynda maqtanysh sezimi oianady dep senemin. Óitkeni, bizdiń mýzyka mádenietin qalyptastyrǵan osyndai adamdar, esimder bizdiń tarihymyzda qalýǵa tiisti. Álem kinematografiiasynda mýzyka dramasy janrynda túsirilgen filmder kóp emes. Sondyqtan otandyq kórermenderge bul janrdaǵy kartinany kórip, ótken ǵasyrdyń 30-jyldaryna saiahat jasaý qyzyqty bolýǵa tiisti dep oilaimyn. Bul Qazaqstan kinematografiiasyn jańa satyǵa kóterýge baǵyttalǵan biregei kartina bolmaq. Otandyq kórermender joǵary deńgeide baǵalaidy dep úmittenem».
Kartina Latviia, Los-Andjeles qalalarynda túsirildi. Sondai-aq filmniń sońǵy túsirý jumystary Almaty oblysy Úshqońyr aýylynyń mańynda júrgizildi. Filmde Ámire Qashaýbaevtyń repertýaryndaǵy «Balqadisha», «Úsh dos», «Dýdarai», «Bes qarager» jáne t.b. ánderi oryndalady.
Halyqaralyq túsirilim tobynyń quramynda: amerikalyq qoiýshy-rejisser Djef Vespa (Jeff Vespa), operator – Maksim Osadchii («9 rota», «Stalingrad») bar. Filmniń stsenariiin jazǵan Benjamin A. van der Vin (Benjamin A. van der Veen). Basty rólderdi otandyq akterler Sanjar Mádiev (Ámire) jáne Erkebulan Daiyrov (Mustafa Shoqai) somdaǵan. Sonymen qatar, britandyq akter Ben Aldridj (Ben Aldridge) jáne «Oblast tmy», «Tri bilborda na granitse Ebbinga, Missýri» filmderi arqyly tanylǵan avstraliialyq aktrisa Ebbi Kornish (Abbie Cornish) jáne basqa da akterler túsken.
Filniń rejisseri Djeff Vespa «Ámire» filminiń qoiýshy rejisseri retinde jumys jasap, mol tájiribe jinadym, sonymen qatar, qazaq halqynyń tól mádenieti men tarihymen jaqyn tanysqanyma qýanyshtymyn deidi. «Bul joba men úshin óte mańyzdy. Ózime Ámire Qashaýbaevtai óner iesin ashtym, onyń ánshilik ónerine tánti boldym. Sondai-aq osy eldiń kinematografisteri arasynan jańa dostar taptym».
Basty róldi somdaǵan Sanjar Mádiev óz jumysy týraly bylai dedi: «Ańyzǵa ainalǵan tulǵany úlken ekranda somdap shyǵý – mártebe. Men jáne túsirilim toby úshin túsirilimnyń árbir kúni naǵyz synaq boldy. Filmdi jasaýǵa qatysqan barlyq adamdarǵa alǵys aitamyn».
Ámire Qashaýbaevtyń 130 jyldyǵyna tuspa-tus kelgen film jalpyulttyq prokatqa 2018 jyldyń 5 sáýirinen bastap shyǵady.
