Roza Baǵlanova atyndaǵy «Qazaqkontsert» memlekettik akademiialyq kontserttik uiymynda «Meniń Qazaqstanym» atty Shámshi Qaldaiaqov ánderiniń halyqaralyq festivali ótti.
Is-sharanyń maqsaty - Qazaqstannyń halyq ártisi, uly kompozitor Shámshi Qaldaiaqovtyń shyǵarmashylyq murasyn nasihattaýǵa baǵyttalǵan. Sondai-aq, festival halyqaralyq mádeni yntymaqtastyqty nyǵaitýǵa, ultaralyq dialogty damytýǵa jáne jas oryndaýshylardyń shyǵarmashylyq bastamalaryn qoldaýǵa arnalǵan.
Kontserttik baǵdarlamada Shámshi Qaldaiaqovtyń tanymal shyǵarmalary jańa aranjirovkalarda oryndaldy. Atap aitqanda, «Aq mańdailym», «Otyrardaǵy toi», «Syr sulýy», «Qaidasyń», «Shynarym», «Ana týraly jyr», «Arys jaǵasynda» jáne t.b.
Is-sharaǵa shetel ónerpazdary qatysty: İlkim Eylül İlk (Túrkiia), Sarvinoz Kamalova (Ózbekstan), Alfiia Karimova (Bashqurtstan), Michelle Joseph (Monǵoliia) jáne Vrej Kirakosian (Armeniia). Sondai-aq, festival qatysýshylarynyń qatarynda Qazaqkontsert ártisteri men shyǵarmashylyq ujymdary da bar: «Daryn» memlekettik jastar syilyǵynyń laýreaty Ádilhan Makin, «Eren eńbegi úshin» medaliniń iegerleri Baýyrjan Isaev, Altynshash Muqataeva, Anna Ývarova, «Mádeniet salasynyń úzdigi» tósbelgisiniń iegeri Oralhan Altynbekov, respýblikalyq jáne halyqaralyq baiqaýlardyń laýreattary Ibrahim Amin, Aibek Abdyashimuly, Talǵat Allabirinov, Saia Mahambet, Sultan Ahmet, Zarina Makina, Didar Abdýhalyq, Nurmuhammed Saten, Tabriz Iyldyrym, sondai-aq, «Birlik» bi ansambli, «SAZ&SOUL» toby jáne Qazaq memlekettik simfoniialyq orkestriniń kameralyq ansambli.
Sondai-aq, is-sharaǵa tanymal dirijer, Mádeniet salasynyń úzdigi Muhtar Shámshiuly Qaldaiaqov qatysty.
Festival qatysýshylary diplommen jáne arnaiy syilyqtarmen marapattaldy.
