Almatyda belgili aqyn, Abai atyndaǵy Memlekettik syilyqtyń laýreaty Tumanbai Moldaǵalievtiń 90 jyldyǵyna arnalǵan «Qustar qaityp barady» atty merekelik kesh ótti. Is-sharany Roza Baǵlanova atyndaǵy «Qazaqkontsert» memlekettik akademiialyq kontserttik uiymynyń Almaty qalasy filialy uiymdastyrdy.
Halyqtyń júreginen oryn alǵan aqyn Tumanbai Moldaǵaliev el súiip tyńdaityn kóptegen ánderdiń avtory. Onyń mahabbat lirikasy men kompozitorlar Nurǵisa Tilendiev, Shámshi Qaldaiaqov, Áset Beiseýovtermen birge jazǵan «Baqyt qushaǵynda», «Ánim sen ediń», «Qairan meniń júregim» sekildi týyndylary qazaq mýzykasynyń injý-marjandaryna ainalǵan.
Mýzykalyq keshte aqynnyń sózine jazylǵan ánder jańa aranjirovkalarda jáne ártisterdiń kollaboratsiiasy usynyldy. Atap aitqanda, «Týǵan jer», «Qustar qaityp barady», «Ómir, qymbatsyń maǵan», «Aiaýlym», «Jan dosym», «Aǵalarym», «Otan Ana», «Arý-ana», «Kýá bol», «Shaqyrady kóktem» jáne t.b. ánder oryndaldy.
Is-sharaǵa Qazaqstannyń óner juldyzdary qatysty: Roza Rymbaeva, Maqpal Júnisova, Aijan Nurmaǵambetova, Jeńis Ysqaqova, Súleimen Ibragimov, Janna Orynbasarova, Dilnaz Ahmadieva, Perizat Omarbekova, Maral Anarbek, Bibigúl Qilymhan, Raim Ýais, Mádi Rymbaev, Erbol Narimanuly, Saia Mahambet, Gúlnar Kóshenova, «Aziia» jáne «Melomen» toptary bar.
