Foto: Qazaqkontsert
QR Mádeniet jáne aqparat ministrliginiń qoldaýymen Roza Baǵlanova atyndaǵy «Qazaqkontsert» memlekettik akademiialyq kontserttik uiymynda Qazaqstan halqy birligi kúni jáne Halyqaralyq bi merekesine orai, sondai-aq, qazaq halqynyń tuńǵysh kásibi bishisi, ańyzǵa ainalǵan Shara Jienqulovanyń shyǵarmashylyq murasyna arnalǵan «BIRLIK» bi ansambliniń «BIRLIK-EDINSTVO» kontserti ótti.
Kórermenge álemniń halyqtarynyń dástúrlerin beineleitin horeografiialyq qoiylymdar usynyldy. Kesh baǵdarlamasynda qazaq, orys, tájik, ózbek, túrikmen jáne ózge de halyqtardyń bileri usynyldy. Árbir qoiylym bi qozǵalystary men kiim úlgileriniń etnografiialyq dáldigin saqtaý maqsatynda airyqsha mán berilip ázirlengen. Is-sharaǵa «Naz» memlekettik bi teatry, «Vainah» ansambli, Úndi mádeni ortalyǵy, «Nursáýlemai» horeografiialyq mektebi jáne «Gulder» ansambliniń baleti qatysty.
Foto: Qazaqkontsert
Foto: Qazaqkontsert
Foto: Qazaqkontsert
«BIRLIK» ansambli – Qazaqstandaǵy ártúrli etnostar men mádeniet ókilderiniń erekshelikterin kórsetetin alǵashqy kópultty óner ujymy. Ansambldiń basty maqsaty – túrli ulttardyń óneri men mádenietimen tanystyrý. Óner ujymy qurylǵanǵa deiin repertýardy qalyptastyrý, ártúrli ult ókilderi arasynan eń úzdik bishilerdi irikteý baǵytynda keń aýqymdy daiyndyq jumystary júrgizildi.
