Foto: Ulysmedia
"Qoishy bala" laqap atymen belgili ánshi Aidos Káden alǵash ret burynǵy prodiýseri Jiger Aýypbaevpen ara-qatynasy týraly aitty, dep habarlaidy Ult.kz.
Ol óziniń jáne Jiger Aýypbaevtyń da jaman nieti joq ekenin aityp, ekeýiniń ara-qatynasynyń buzylýyna basqalardyń da áseri bolǵanyn jetkizdi.
"Ol kisiden alystaýyma azǵyrǵandar kóp boldy. Onysyn ashyp aitpai-aq qoiaiyn arasynda ónerdegi adamdar da, óz týystarym da bar. Týystarymnan bólek, ot salyp, araǵa iritki túsirgender jeterlik. Buryn ondai synaqtan ótip kórmeppin, birinshi ret súrindim. Sol úshin ózime renjimin", – dedi Qoishy bala Kezdesu YouTube jobasyna bergen suhbatynda.
Ol qatesin túsingenimen, Aýypbaev ózine áli de renjip júr dep eseptegendikten keshirim suraýǵa batyly barmai júrgenin aitty.
"Nege ekenin túsinbeimin. Qazir de ol kisi renjýli shyǵar… Biraq bara almaimyn. Niettenemin, soǵan júregim barmaidy. Bul Jiger aǵaidy jek kórgennen emes", – dedi Aidos Káden.
