Astanada 20 jyldan astam ýaqyt buryn jasalǵan kisi óltirý qylmysynyń mán-jaiy anyqtaldy. Politsiia kúdiktilerdi biyl ǵana qolǵa túsirdi, dep habarlaidy ult.kz.
Polisia.kz habarlaýynsha, QR IIM Kriminaldyq politsiia departamentiniń bastyǵy Qanat Nurmaǵambetovtiń málimetinshe, 2005 jyly Astanada zorlyq-zombylyq belgileri bar er adamnyń máiiti tabylǵan. Alaida sol kezde qylmysty ashýǵa qajetti aiǵaqtar jetkiliksiz bolǵan.
Arada jyldar ótken soń politsiia isti qaita qolǵa alǵan. Biyl mamandar arhivtegi materialdardy qaita qarap, qosymsha jedel-izdestirý is-sharalaryn júrgizgen.
Nátijesinde qylmysqa qatysy bar degen kúdikpen Pavlodar oblysynyń eki turǵyny anyqtalǵan. Kúdiktiler tamyz aiynda ustalyp, óz kinálaryn moiyndaǵan.
Qazirgi ýaqytta eki kúdikti de qamaýda. Tergeý amaldary jalǵasyp jatyr.
Ishki ister ministrliginiń málimetinshe, ótken jyldary jasalǵan, biraq ashylmai qalǵan qylmystardy anyqtaý politsiianyń erekshe baqylaýynda.
