استانادا 20 جىلدان استام ۋاقىت بۇرىن جاسالعان كٸسٸ ٶلتٸرۋ قىلمىسىنىڭ مەن-جايى انىقتالدى. پوليتسييا كٷدٸكتٸلەردٸ بيىل عانا قولعا تٷسٸردٸ, دەپ حابارلايدى ult.kz.
Polisia.kz حابارلاۋىنشا, قر ٸٸم كريمينالدىق پوليتسييا دەپارتامەنتٸنٸڭ باستىعى قانات نۇرماعامبەتوۆتٸڭ مەلٸمەتٸنشە, 2005 جىلى استانادا زورلىق-زومبىلىق بەلگٸلەرٸ بار ەر ادامنىڭ مەيٸتٸ تابىلعان. الايدا سول كەزدە قىلمىستى اشۋعا قاجەتتٸ ايعاقتار جەتكٸلٸكسٸز بولعان.
ارادا جىلدار ٶتكەن سوڭ پوليتسييا ٸستٸ قايتا قولعا العان. بيىل ماماندار ارحيۆتەگٸ ماتەريالداردى قايتا قاراپ, قوسىمشا جەدەل-ٸزدەستٸرۋ ٸس-شارالارىن جٷرگٸزگەن.
نەتيجەسٸندە قىلمىسقا قاتىسى بار دەگەن كٷدٸكپەن پاۆلودار وبلىسىنىڭ ەكٸ تۇرعىنى انىقتالعان. كٷدٸكتٸلەر تامىز ايىندا ۇستالىپ, ٶز كٸنەلارىن مويىنداعان.
قازٸرگٸ ۋاقىتتا ەكٸ كٷدٸكتٸ دە قاماۋدا. تەرگەۋ امالدارى جالعاسىپ جاتىر.
ٸشكٸ ٸستەر مينيسترلٸگٸنٸڭ مەلٸمەتٸنشە, ٶتكەن جىلدارى جاسالعان, بٸراق اشىلماي قالعان قىلمىستاردى انىقتاۋ پوليتسييانىڭ ەرەكشە باقىلاۋىندا.
