Foto: lk-stuido.com
Astanada túrki elderiniń shahmattan alǵashqy komandalyq chempionaty bastaldy. Týrnir erler, áielder jáne 16 jasqa deiingi jasóspirimder arasynda ótýde.
Ár sanatta 7 qurama baq synasady: Ázerbaijan, Qazaqstan (iesi retinde ár týrnirde eki quramadan), Qyrǵyzstan, Túrikmenstan, Túrkiia jáne Ózbekstan. Komanda quramy: 4 negizgi oiynshy, 1 zapas oiynshy jáne kapitan.
Bul elderdiń aýmaǵynda shamamen 170 million adam turady. Olardyń álemdik shahmat kartasyndaǵy mańyzdylyǵyn Olimpiadalar men álem chempionattaryndaǵy komandalyq jáne jeke jetistikteri aiqyn dáleldeidi.
Foto: lk-stuido.com
«Qazaqstan óńirde alǵashqy bolyp túrki áleminiń jańa týrnirin qabyldap otyr. Onyń Túrkiia Prezidenti Redjep Taiip Erdogannyń Astanaǵa saparymen tuspa-tus kelýi de simvoldyq mánge ie. Memleket basshysynyń saiasatynyń arqasynda Qazaqstan túrki keńistigindegi pozitsiiasyn úzdiksiz nyǵaitýda. Shahmat ta osy diplomatiianyń mańyzdy bóligine ainalyp otyr. Bul endi jai sport emes, elderimiz arasyndaǵy dostyqtyń tiri kórinisi», — dedi Qazaqstan shahmat federatsiiasynyń prezidenti Timýr Týrlov.
Uiymdastyrýshylar: Halyqaralyq shahmat federatsiiasy (FIDE), Qazaqstan Respýblikasy Týrizm jáne sport ministrligi, Qazaqstan shahmat federatsiiasy (Kazchess), Qazaq ulttyq sport ýniversiteti jáne Astana qalasynyń ákimdigi.
Generaldy seriktes — Freedom Holding Corp.
Chempionat úsh sanat boiynsha (erler — Men, áielder — Women, 16 jasqa deiingiler — Youth U16) sheńberlik júiemen ótedi. Ýaqyt baqylaýy — «jańa klassika»: 45 minýt + ár júriske 30 sekýnd.
Qazaqstannyń quramalary:
Erler: Qazaqstan-1: GM Qazybek Nógerbek (2525), GM Denis Mahniov (2558), IM Aldiiar Ansat (2488), GM Alisher Súleimenov (2507), IM Daniial Sapenov (2458). Kapitan — GM Anýar Ismaǵambetov.
Qazaqstan-2: IM Jandos Aǵmanov (2473), GM Ramazan Jalmahanov (2464), IM Satbek Ahmedinov (2331), IM Arystan Isanjýlov (2398), IM Erǵali Súleimen (2396). Kapitan — IM Arystanbek Ýrazaev.
Áielder: Qazaqstan-1: IM Alýa Nurman (2443), IM Merýert Qamalidenova (2389), WGM Kseniia Balabaeva (2355), WIM Elnaz Qaliahmet (2314), WIM Zarina Nurǵalieva (2279). Kapitan — GM Pavel Kotsýr.
Qazaqstan-2: WGM Liia Qurmanǵalieva (2346), WIM Asel Serikbai (2240), WIM Aiaýlym Qaldarova (2105), WFM Aiarý Altynbek (2216), WFM Alanna Berikqyzy (2142). Kapitan — GM Aleksandr Moiseenko.
Jasóspirimder (U16): Qazaqstan-1: IM Saýat Nurǵaliev (2464), GM Edgar Mamedov (2470), FM Dinmuhammed Tólendinov (2283), WFM Mariia Holiavko (2202). Kapitan — GM Boris Grachiov.
Qazaqstan-2: FM Nazar Talǵatov (2331), FM Aldiiar Jaýynbai (2243), Nurmuhammed Kabinazar (2322), Asiia Asylhan (1999). Kapitan — GM Evgenii Vladimirov.
Básekelester quramynda da álemdik deńgeidegi shahmatshylar bar. Erlerde: GM Abdimalik Abdisalimov (2530), GM Jahongir Vahidov (2515) — Ózbekstan; GM Ahmad Ahmadzade (2531), GM Misratdin Iskenderov (2522) — Ázerbaijan; IM Erai Qylysh (2511), GM Djem Kaan Giokerkan (2507) — Túrkiia.
Áielderde: Ázerbaijan quramasy — 2025 jylǵy álem vitse-chempiony tolyq quramda. Sondai-aq Ózbektiń myqty shahmatshylary WGM Afrýza Hamdamova men WGM Ýmida Omonova bar.
Esepteý júiesi: Týr jeńisi — 2 upai, teń oiyn — 1 upai. Upai sany teń bolǵan jaǵdaida oryndar kelesi kórsetkishter boiynsha anyqtalady:
• Jeke oiynshylardyń upai sany;
• Komandalar arasyndaǵy jeke kezdesý nátijesi;
• Zonneborn-Berger koeffitsienti.
Júlde qory — 27 million teńge (shamamen 54 000 AQSh dollary).
Erler men áielder arasynda 1-orynǵa — 5 mln teńge, 2-orynǵa — 3,5 mln teńge, 3-orynǵa — 2 mln teńge. Jasóspirimder týrnirinde 1-orynǵa — 2,5 mln teńge, 2-orynǵa — 2 mln teńge, 3-orynǵa — 1,5 mln teńge.
Sondai-aq ár taqtada úzdik nátije kórsetken oiynshylar altyn, kúmis, qola medaldarmen, diplomdarmen jáne baǵaly syilyqtarmen marapattalady.
Týrnirdiń onlain transliatsiiasy: https://s2.chess-results.com/tnr1396849.aspx
