10-11 jeltoqsanda Nur-Sultan qalasynda ótetin Astana protsesinde lańkester tobynyń qaldyǵymen kúres jáne gýmanitarlyq máseleler talqylanady.
Bul týraly Reseidiń Syrtqy ister ministri Sergei Lavrov «Jerorta teńizindegi dialogtar» halyqaralyq konferentsiiasynyń sessiiasynda málim etti, dep habarlaidy "Ult aqparat" TASS agenttigine silteme jasap.
«Kelesi aptada Qazaqstan elordasynda astanalyq formattaǵy 14-shi kezdesý ótedi. Onda deeskalatsiia týraly kelisimderdiń oryndalý barysy, terrorlyq toptardyń qaldyqtarymen kúresti aiaqtaý jaiy qaralady. Jiynda gýmanitarlyq máseleler qaralady, onyń ishinde Siriia halqyna gýmanitarlyq kómek kórsetý, bosqyndardy qaitarýǵa jaǵdai jasaý, ustalǵandar men tutqyndardy almasý da bar. Sonda saiasi úderis te talqylanady», dedi Sergei Lavrov.
