10-11 جەلتوقساندا نۇر-سۇلتان قالاسىندا ٶتەتٸن استانا پروتسەسٸندە لاڭكەستەر توبىنىڭ قالدىعىمەن كٷرەس جەنە گۋمانيتارلىق مەسەلەلەر تالقىلانادى.
بۇل تۋرالى رەسەيدٸڭ سىرتقى ٸستەر مينيسترٸ سەرگەي لاۆروۆ «جەرورتا تەڭٸزٸندەگٸ ديالوگتار» حالىقارالىق كونفەرەنتسيياسىنىڭ سەسسيياسىندا مەلٸم ەتتٸ, دەپ حابارلايدى "ۇلت اقپارات" تاسس اگەنتتٸگٸنە سٸلتەمە جاساپ.
«كەلەسٸ اپتادا قازاقستان ەلورداسىندا استانالىق فورماتتاعى 14-شٸ كەزدەسۋ ٶتەدٸ. وندا دەەسكالاتسييا تۋرالى كەلٸسٸمدەردٸڭ ورىندالۋ بارىسى, تەررورلىق توپتاردىڭ قالدىقتارىمەن كٷرەستٸ اياقتاۋ جايى قارالادى. جيىندا گۋمانيتارلىق مەسەلەلەر قارالادى, ونىڭ ٸشٸندە سيرييا حالقىنا گۋمانيتارلىق كٶمەك كٶرسەتۋ, بوسقىنداردى قايتارۋعا جاعداي جاساۋ, ۇستالعاندار مەن تۇتقىنداردى الماسۋ دا بار. سوندا ساياسي ٷدەرٸس تە تالقىلانادى», دەدٸ سەرگەي لاۆروۆ.
