Qazaqstandyq Zarina Diias Astana Open WTA 250 týrniriniń shirek finalyna shyǵa almady, dep habarlaidy QazAqparat.
Dúniejúzilik reitingte 109-orynda turǵan Diias ekinshi ainalymda álemniń 86-ynshy, osy jarystyń 6-raketkasy, shvetsiialyq Rebekka Petersonmen kortqa shyqty.
Saǵat jarymnan astam ýaqytqa sozylǵan kezdesý barysynda shvetsiialyq tennisshiniń basymdylyǵy aiqyn baiqalyp turdy. Eki sette de alǵa ketken ol 6:2, 6:2 esebimen jeńiske jetti.
Peterson 1 eis jasap, 12 breik-pointtyń teń jartysyn paidalandy. Diias 6 breik-pointtyń ekeýin ǵana óz esebine jaza aldy.
Peterson jartylai finalǵa shyǵý úshin álemniń 80- raketkasy, reseilik Anastasiia Potapovamen talasady. Ol tartysty básekede frantsiialyq Kristina Mladenovichti 1:6, 6:4, 6:3 esebimen tize búktirdi.
Osylaisha júlde qory 235 myń AQSh dollarynan asatyn Astana dodasynda jekelei synda Qazaqstannan Iýliia Pýtintseva ǵana qaldy.
