قازاقستاندىق زارينا ديياس Astana Open WTA 250 تۋرنيرٸنٸڭ شيرەك فينالىنا شىعا المادى, دەپ حابارلايدى قازاقپارات.
دٷنيەجٷزٸلٸك رەيتينگتە 109-ورىندا تۇرعان ديياس ەكٸنشٸ اينالىمدا ەلەمنٸڭ 86-ىنشى, وسى جارىستىڭ 6-راكەتكاسى, شۆەتسييالىق رەبەككا پەتەرسونمەن كورتقا شىقتى.
ساعات جارىمنان استام ۋاقىتقا سوزىلعان كەزدەسۋ بارىسىندا شۆەتسييالىق تەننيسشٸنٸڭ باسىمدىلىعى ايقىن بايقالىپ تۇردى. ەكٸ سەتتە دە العا كەتكەن ول 6:2, 6:2 ەسەبٸمەن جەڭٸسكە جەتتٸ.
پەتەرسون 1 ەيس جاساپ, 12 برەيك-پوينتتىڭ تەڭ جارتىسىن پايدالاندى. ديياس 6 برەيك-پوينتتىڭ ەكەۋٸن عانا ٶز ەسەبٸنە جازا الدى.
پەتەرسون جارتىلاي فينالعا شىعۋ ٷشٸن ەلەمنٸڭ 80- راكەتكاسى, رەسەيلٸك اناستاسييا پوتاپوۆامەن تالاسادى. ول تارتىستى بەسەكەدە فرانتسييالىق كريستينا ملادەنوۆيچتٸ 1:6, 6:4, 6:3 ەسەبٸمەن تٸزە بٷكتٸردٸ.
وسىلايشا جٷلدە قورى 235 مىڭ اقش دوللارىنان اساتىن استانا دوداسىندا جەكەلەي سىندا قازاقستاننان يۋلييا پۋتينتسەۆا عانا قالدى.
