Foto: ashyq derekkóz
Astana – Novosibirsk baǵytyndaǵy reiste bortseriktermen tóbeles shyǵarǵan 27 jastaǵy áielge 4 jyl merzimge bas bostandyǵyn shekteý jazasy taǵaiyndaldy, dep habarlaidy Ult.kz Kozachkov Offside Telegram arnasyna silteme jasap.
Oqiǵa 2025 jylǵy 20 qazanda QazaqAir áýe kompaniiasynyń bortynda bolǵan. Reseige ushyp bara jatqan Nursulý Imamatdinova bortseriktermen syraǵa bailanysty janjaldasqan. Onyń aitýynsha, stiýardessa stakandy durys ustap usynbaǵan, bul jolaýshyǵa unamaǵan.
Aldymen ol ydysty aýystyrýdy talap etip, keiin bortseriktiń qolynan stakandy julyp alyp, laqtyryp jibergen. Osydan soń taǵy da syra quiýdy talap etken. Bortserikterdiń bas tartýy tóbeleske ulasqan. Oqiǵany ushaqtaǵy ózge jolaýshylar uialy telefonǵa túsirip alǵan.
Atalǵan áreketterden keiin Nursulý Imamatdinovaǵa qatysty áýe kemesiniń bortynda jasalǵan buzaqylyq baby boiynsha qylmystyq is qozǵaldy. Bul bap boiynsha oǵan 6 jylǵa deiin bas bostandyǵynan aiyrý jazasy qaýpi tóngen.
Alaida sot otyrysynda sýdia Artýr Ábdihanov jaza túrin jeńildetip, aiyptalýshyǵa 4 jyl bas bostandyǵyn shekteý jazasyn taǵaiyndady. Sonymen qatar, sot sheshimine sáikes, ol eki bortserikke árqaisysyna 1 million teńgeden moraldyq shyǵyn ótemaqysyn tóleýi tiis.
Úkim ázirge zańdy kúshine engen joq.
