فوتو: اشىق دەرەككٶز
استانا – نوۆوسيبيرسك باعىتىنداعى رەيستە بورتسەرٸكتەرمەن تٶبەلەس شىعارعان 27 جاستاعى ەيەلگە 4 جىل مەرزٸمگە باس بوستاندىعىن شەكتەۋ جازاسى تاعايىندالدى, دەپ حابارلايدى Ult.kz Kozachkov Offside تەلەگرام ارناسىنا سٸلتەمە جاساپ.
وقيعا 2025 جىلعى 20 قازاندا QazaqAir ەۋە كومپانيياسىنىڭ بورتىندا بولعان. رەسەيگە ۇشىپ بارا جاتقان نۇرسۇلۋ يماماتدينوۆا بورتسەرٸكتەرمەن سىراعا بايلانىستى جانجالداسقان. ونىڭ ايتۋىنشا, ستيۋاردەسسا ستاكاندى دۇرىس ۇستاپ ۇسىنباعان, بۇل جولاۋشىعا ۇناماعان.
الدىمەن ول ىدىستى اۋىستىرۋدى تالاپ ەتٸپ, كەيٸن بورتسەرٸكتٸڭ قولىنان ستاكاندى جۇلىپ الىپ, لاقتىرىپ جٸبەرگەن. وسىدان سوڭ تاعى دا سىرا قۇيۋدى تالاپ ەتكەن. بورتسەرٸكتەردٸڭ باس تارتۋى تٶبەلەسكە ۇلاسقان. وقيعانى ۇشاقتاعى ٶزگە جولاۋشىلار ۇيالى تەلەفونعا تٷسٸرٸپ العان.
اتالعان ەرەكەتتەردەن كەيٸن نۇرسۇلۋ يماماتدينوۆاعا قاتىستى ەۋە كەمەسٸنٸڭ بورتىندا جاسالعان بۇزاقىلىق بابى بويىنشا قىلمىستىق ٸس قوزعالدى. بۇل باپ بويىنشا وعان 6 جىلعا دەيٸن باس بوستاندىعىنان ايىرۋ جازاسى قاۋپٸ تٶنگەن.
الايدا سوت وتىرىسىندا سۋديا ارتۋر ەبدٸحانوۆ جازا تٷرٸن جەڭٸلدەتٸپ, ايىپتالۋشىعا 4 جىل باس بوستاندىعىن شەكتەۋ جازاسىن تاعايىندادى. سونىمەن قاتار, سوت شەشٸمٸنە سەيكەس, ول ەكٸ بورتسەرٸككە ەرقايسىسىنا 1 ميلليون تەڭگەدەن مورالدىق شىعىن ٶتەماقىسىن تٶلەۋٸ تيٸس.
ٷكٸم ەزٸرگە زاڭدى كٷشٸنە ەنگەن جوق.
