Sýret: senate.parlam.kz
Astana qalasynyń ishki memlekettik aýdit departamenti Astana birlesken mýzeiler direktsiiasynyń memlekettik satyp alý sharalarynan zańsyzdyqtar anyqtaǵanyn habarlady, dep habarlaidy QazAqparat.
«Astana qalasynyń ishki memlekettik aýdit departamenti aýditorlyq shara kezinde «Astana birlesken mýzeiler direktsiiasy» memlekettik kommýnaldyq qazynashylyq kásipornynda memlekettik satyp alý konkýrsyn ótkizgen kezde 9,5 mln teńgege maketterdi ázirleý jáne restavratsiialaý jóninde jalǵan kelisimshart jasalǵanyn anyqtady.
Jalǵan tapsyrys oryndaýshynyń málimeti boiynsha, óz mundai kelisimsharttyń bekitilgeninen habarsyz da bolǵan jáne kásipkerlik qyzmet kórsetýmen ainalyspaǵan. Al bank kartasyn tanysyna ýaqytsha bergen. Onyń shotyna 10 mln teńgege jýyq qarajat aýdarylǵanyn keiin ǵana bilgen», - dep jazylǵan Memlekettik ishki aýdit komitetiniń resmi saitynda.
Aýdit jasaýshylar osyǵan uqsas birneshe kelisimshartty tekserip jatyr.
«Syrttai qaraǵan kezde kásiporynda maketter bar ekeni belgili boldy. Biraq ony kim osynsha sapasyz etip, arzan materialdan ázirlegeni belgisiz. Alaida maketterdi kim ázirlegeni belgisiz bolǵanymen, tseh jumysshylary olardy restavratsiialaǵandaryn jazbasha negizde rastap otyr.
Birlesken mýzeiler direktsiiasynyń kásipkerlik qyzmet kórsetpeitin jeke tulǵalarmen maketter ázirlep, restavratsiialaý týraly ózge de kelisimsharttary bar. Bul kelisimsharttar boiynsha aýditorlyq aiǵaqtardy jinaý áli bastalǵan joq. Kelisimshart boiynsha memlekettik tapsyrysty oryndaýshylardyń ózge oblystardyń shalǵai eldi mekenderinde turyp jatqany másele týyndatyp otyr. Tipti olardyń kebiiri aitarlyqtai egde jasta.
Biýdjet kodeksiniń talaptary boiynsha, kvazimemlekettik sektory nysany aqyly tapsyrystyń zańǵa sáikestigi men negizdiligine, júrgizilgen operatsiianyń shyndyqqa sáikestigine jaýap beredi. Materialdar Qarjy monitoringi agenttiginiń Astana qalasynyń ekonomikalyq tergeý departamentine protsessýaldyq sheshim shyǵarý úshin joldandy», - delingen resmi málimette.
