سۋرەت: senate.parlam.kz
استانا قالاسىنىڭ ٸشكٸ مەملەكەتتٸك اۋديت دەپارتامەنتٸ استانا بٸرلەسكەن مۋزەيلەر ديرەكتسيياسىنىڭ مەملەكەتتٸك ساتىپ الۋ شارالارىنان زاڭسىزدىقتار انىقتاعانىن حابارلادى, دەپ حابارلايدى قازاقپارات.
«استانا قالاسىنىڭ ٸشكٸ مەملەكەتتٸك اۋديت دەپارتامەنتٸ اۋديتورلىق شارا كەزٸندە «استانا بٸرلەسكەن مۋزەيلەر ديرەكتسيياسى» مەملەكەتتٸك كوممۋنالدىق قازىناشىلىق كەسٸپورنىندا مەملەكەتتٸك ساتىپ الۋ كونكۋرسىن ٶتكٸزگەن كەزدە 9,5 ملن تەڭگەگە ماكەتتەردٸ ەزٸرلەۋ جەنە رەستاۆراتسييالاۋ جٶنٸندە جالعان كەلٸسٸمشارت جاسالعانىن انىقتادى.
جالعان تاپسىرىس ورىنداۋشىنىڭ مەلٸمەتٸ بويىنشا, ٶز مۇنداي كەلٸسٸمشارتتىڭ بەكٸتٸلگەنٸنەن حابارسىز دا بولعان جەنە كەسٸپكەرلٸك قىزمەت كٶرسەتۋمەن اينالىسپاعان. ال بانك كارتاسىن تانىسىنا ۋاقىتشا بەرگەن. ونىڭ شوتىنا 10 ملن تەڭگەگە جۋىق قاراجات اۋدارىلعانىن كەيٸن عانا بٸلگەن», - دەپ جازىلعان مەملەكەتتٸك ٸشكٸ اۋديت كوميتەتٸنٸڭ رەسمي سايتىندا.
اۋديت جاساۋشىلار وسىعان ۇقساس بٸرنەشە كەلٸسٸمشارتتى تەكسەرٸپ جاتىر.
«سىرتتاي قاراعان كەزدە كەسٸپورىندا ماكەتتەر بار ەكەنٸ بەلگٸلٸ بولدى. بٸراق ونى كٸم وسىنشا ساپاسىز ەتٸپ, ارزان ماتەريالدان ەزٸرلەگەنٸ بەلگٸسٸز. الايدا ماكەتتەردٸ كٸم ەزٸرلەگەنٸ بەلگٸسٸز بولعانىمەن, تسەح جۇمىسشىلارى ولاردى رەستاۆراتسييالاعاندارىن جازباشا نەگٸزدە راستاپ وتىر.
بٸرلەسكەن مۋزەيلەر ديرەكتسيياسىنىڭ كەسٸپكەرلٸك قىزمەت كٶرسەتپەيتٸن جەكە تۇلعالارمەن ماكەتتەر ەزٸرلەپ, رەستاۆراتسييالاۋ تۋرالى ٶزگە دە كەلٸسٸمشارتتارى بار. بۇل كەلٸسٸمشارتتار بويىنشا اۋديتورلىق ايعاقتاردى جيناۋ ەلٸ باستالعان جوق. كەلٸسٸمشارت بويىنشا مەملەكەتتٸك تاپسىرىستى ورىنداۋشىلاردىڭ ٶزگە وبلىستاردىڭ شالعاي ەلدٸ مەكەندەرٸندە تۇرىپ جاتقانى مەسەلە تۋىنداتىپ وتىر. تٸپتٸ ولاردىڭ كەبيٸرٸ ايتارلىقتاي ەگدە جاستا.
بيۋدجەت كودەكسٸنٸڭ تالاپتارى بويىنشا, كۆازيمەملەكەتتٸك سەكتورى نىسانى اقىلى تاپسىرىستىڭ زاڭعا سەيكەستٸگٸ مەن نەگٸزدٸلٸگٸنە, جٷرگٸزٸلگەن وپەراتسييانىڭ شىندىققا سەيكەستٸگٸنە جاۋاپ بەرەدٸ. ماتەريالدار قارجى مونيتورينگٸ اگەنتتٸگٸنٸڭ استانا قالاسىنىڭ ەكونوميكالىق تەرگەۋ دەپارتامەنتٸنە پروتسەسسۋالدىق شەشٸم شىعارۋ ٷشٸن جولداندى», - دەلٸنگەن رەسمي مەلٸمەتتە.
