Sybailas jemqorlyqqa qarsy is qimyl agenttigi 2016-2017 jyldary Qazaqstandaǵy avtosportty damytýǵa bólingen qarajatty urlaý boiynsha tergeý jumystaryn júrgizýde, – dep habarlaidy «Ult aqparat».
800 mln teńgeden astap qarjyny jymqyryp, shetel asqan «Astana Motorsports» komandasynyń direktory túsinikteme berý úshin Qazaqstanǵa kelýden bas tartqan.
«Oqý-jattyǵý jiyndary men jarystardy ótkizýge ótinimderdi joǵarylatý jolymen «Astana Motorsports» komandasynyń direktory jáne kapitany Artýr Ardavichýs 800 mln teńgeden astam qarjyny jymqyrǵany anyqtaldy» deidi Sybailas jemqorlyqqa qarsy kúres qyzmetiniń ekinshi departament basshysy Sergei Perov.
Onyń aitýynsha, Artýr Ardavichýs bul qarjyny qazaqstandyq jáne sheteldik kompaniialar arqyly qolma-qol aqshaǵa ainaldyryp ózi iemdengen.
«Ardavichýs túsinikteme berý úshin birneshe ret shaqyryldy, alaida shetelde bolǵandyqtan kelýden bas tartty. Osy jaittardy jáne Ardavichýs myrzanyń qylmystyq quqyq buzýshylyq jasaǵanyn kórsetetin jetkilikti dálelderdi eskere otyryp, oǵan qatysty syrttai «kúzetpen ustaý» túrindegi bultartpaý sharasyna sanktsiia berildi. Halyqaralyq izdeýge jariialaý týraly materialdar sotqa jiberildi» deidi ol.
Sondai-aq, departament basshysy tergeý amaldary arqyly urlanǵan qarjynyń naqty somasy anyqtalyp jatqanyn aitty.
