سىبايلاس جەمقورلىققا قارسى ٸس قيمىل اگەنتتٸگٸ 2016-2017 جىلدارى قازاقستانداعى اۆتوسپورتتى دامىتۋعا بٶلٸنگەن قاراجاتتى ۇرلاۋ بويىنشا تەرگەۋ جۇمىستارىن جٷرگٸزۋدە, – دەپ حابارلايدى «ۇلت اقپارات».
800 ملن تەڭگەدەن استاپ قارجىنى جىمقىرىپ, شەتەل اسقان «Astana Motorsports» كومانداسىنىڭ ديرەكتورى تٷسٸنٸكتەمە بەرۋ ٷشٸن قازاقستانعا كەلۋدەن باس تارتقان.
«وقۋ-جاتتىعۋ جيىندارى مەن جارىستاردى ٶتكٸزۋگە ٶتٸنٸمدەردٸ جوعارىلاتۋ جولىمەن «Astana Motorsports» كومانداسىنىڭ ديرەكتورى جەنە كاپيتانى ارتۋر ارداۆيچۋس 800 ملن تەڭگەدەن استام قارجىنى جىمقىرعانى انىقتالدى» دەيدٸ سىبايلاس جەمقورلىققا قارسى كٷرەس قىزمەتٸنٸڭ ەكٸنشٸ دەپارتامەنت باسشىسى سەرگەي پەروۆ.
ونىڭ ايتۋىنشا, ارتۋر ارداۆيچۋس بۇل قارجىنى قازاقستاندىق جەنە شەتەلدٸك كومپانييالار ارقىلى قولما-قول اقشاعا اينالدىرىپ ٶزٸ يەمدەنگەن.
«ارداۆيچۋس تٷسٸنٸكتەمە بەرۋ ٷشٸن بٸرنەشە رەت شاقىرىلدى, الايدا شەتەلدە بولعاندىقتان كەلۋدەن باس تارتتى. وسى جايتتاردى جەنە ارداۆيچۋس مىرزانىڭ قىلمىستىق قۇقىق بۇزۋشىلىق جاساعانىن كٶرسەتەتٸن جەتكٸلٸكتٸ دەلەلدەردٸ ەسكەرە وتىرىپ, وعان قاتىستى سىرتتاي «كٷزەتپەن ۇستاۋ» تٷرٸندەگٸ بۇلتارتپاۋ شاراسىنا سانكتسييا بەرٸلدٸ. حالىقارالىق ٸزدەۋگە جارييالاۋ تۋرالى ماتەريالدار سوتقا جٸبەرٸلدٸ» دەيدٸ ول.
سونداي-اق, دەپارتامەنت باسشىسى تەرگەۋ امالدارى ارقىلى ۇرلانعان قارجىنىڭ ناقتى سوماسى انىقتالىپ جاتقانىن ايتتى.
