«Astana» halyqaralyq qarjy ortalyǵynyń 2020 jylǵy biýdjeti ózgerissiz qaldy. Buryn AHQO biýdjeti 20 mlrd teńge bolǵan. Alaida 2020 jyldan bastap azaiady, dep habarlaidy QazAqparat.
Atap aitqanda, aldymen 13,1 mlrd teńge, 2021 jyly 12,5 mlrd teńge, 2022 jyly 10,5 mlrd teńge bolady.
Respýblikalyq biýdjetten «AHQO Ákimshiligi» AQ-ǵa bólingen 48,1 mlrd teńge AHQO iýrisdiktsiiasynda tirkelgen Tikelei investitsiialar qoryn kapitaldandyrýǵa arnalǵan. Úkimettiń basqarýyndaǵy bul qordy kapitaldandyrýǵa 35 mlrd teńge bólinip otyr.
AHQO-nyń 13,1 mlrd teńge biýdjeti qarjy ortalyǵynyń ákimshiligi men organdaryna: sot pen tórelik ortalyqqa, AFSA retteýshisi men AIX birjasyna bólinedi. Al 35 mlrd teńgelik kapitalizatsiia sheteldik investorlarmen birlesken jobalardy qarjylandyrýǵa jumsalady.
Qazirgi tańda tikelei investitsiialar qorynyń jobalary boiynsha sheteldik tikelei investitsiialardyń jalpy kólemi 155 mln AQSh dollaryn quraidy. Bul jobalardyń barlyǵy birlese investitsiialaý printsipimen júzege asyrylady. Qarjylanyrýdyń basym bóligi sheteldik investorlarǵa tiesili.
«Álemdik ekonomika úshin eń qiyn kezderde de Qazaqstanǵa sheteldik investitsiia toqtaǵan joq. Bul turǵyda el óńirlerindegi shikizattyq emes jobalarǵa sheteldik investitsiia tartý arqyly KDIF qory da óz úlesin qosýda. Qolǵa alynyp jatqan jobalar qazaqstandyq mamandarǵa 4,7 myńnan astam turaqty jumys ornyn ashýǵa múmkindik beredi», – deidi Tikelei investitsiialar qory basqarýshy kompaniiasynyń basqarma tóraǵasy Áset Ábdiǵapparov.
Barlyq jobalar shikizattyq emes sektorǵa tiesili. Atap aitqanda, agrarlyq sala, týrizm men óńirlik infraqurylymdy damytý. Bul jobalar Aqmola, Almaty, Mańǵystaý jáne Túrkistan oblystarynda iske asyrylady.
4 760 turaqty jumys ornynan bólek 2 360 maýsymdyq jumys orny ashylady. Turaqty jumys oryndary boiynsha bir jyldyq jalpy jalaqy qory 7,7 mlrd teńgeni quraidy. Kásiporyndar 2025 jylǵa qarai jobalyq qýattylyǵyna shyqqannan keiin biýdjetke jylyna 6,1 mlrd teńge salyq tóleidi.
Esterińizge sala keteiik, «Kazakhstan Investment Development Fund» Ltd qory el ekonomikasyna investitsiia tartýdyń qosymsha quraly retinde 2019 jyly 30 qańtarda Qazaqstan Respýblikasynyń Tuńǵysh Prezidenti Nursultan Nazarbaevtyń jarlyǵymen qurylǵan edi. Qordyń bastapqy kapitalizatsiiasy shamamen 1 mlrd AQSh dollary boldy.
