«استانا» حالىقارالىق قارجى ورتالىعىنىڭ 2020 جىلعى بيۋدجەتٸ ٶزگەرٸسسٸز قالدى. بۇرىن احقو بيۋدجەتٸ 20 ملرد تەڭگە بولعان. الايدا 2020 جىلدان باستاپ ازايادى, دەپ حابارلايدى قازاقپارات.
اتاپ ايتقاندا, الدىمەن 13,1 ملرد تەڭگە, 2021 جىلى 12,5 ملرد تەڭگە, 2022 جىلى 10,5 ملرد تەڭگە بولادى.
رەسپۋبليكالىق بيۋدجەتتەن «احقو ەكٸمشٸلٸگٸ» اق-عا بٶلٸنگەن 48,1 ملرد تەڭگە احقو يۋريسديكتسيياسىندا تٸركەلگەن تٸكەلەي ينۆەستيتسييالار قورىن كاپيتالداندىرۋعا ارنالعان. ٷكٸمەتتٸڭ باسقارۋىنداعى بۇل قوردى كاپيتالداندىرۋعا 35 ملرد تەڭگە بٶلٸنٸپ وتىر.
احقو-نىڭ 13,1 ملرد تەڭگە بيۋدجەتٸ قارجى ورتالىعىنىڭ ەكٸمشٸلٸگٸ مەن ورگاندارىنا: سوت پەن تٶرەلٸك ورتالىققا, AFSA رەتتەۋشٸسٸ مەن AIX بيرجاسىنا بٶلٸنەدٸ. ال 35 ملرد تەڭگەلٸك كاپيتاليزاتسييا شەتەلدٸك ينۆەستورلارمەن بٸرلەسكەن جوبالاردى قارجىلاندىرۋعا جۇمسالادى.
قازٸرگٸ تاڭدا تٸكەلەي ينۆەستيتسييالار قورىنىڭ جوبالارى بويىنشا شەتەلدٸك تٸكەلەي ينۆەستيتسييالاردىڭ جالپى كٶلەمٸ 155 ملن اقش دوللارىن قۇرايدى. بۇل جوبالاردىڭ بارلىعى بٸرلەسە ينۆەستيتسييالاۋ پرينتسيپٸمەن جٷزەگە اسىرىلادى. قارجىلانىرۋدىڭ باسىم بٶلٸگٸ شەتەلدٸك ينۆەستورلارعا تيەسٸلٸ.
«ەلەمدٸك ەكونوميكا ٷشٸن ەڭ قيىن كەزدەردە دە قازاقستانعا شەتەلدٸك ينۆەستيتسييا توقتاعان جوق. بۇل تۇرعىدا ەل ٶڭٸرلەرٸندەگٸ شيكٸزاتتىق ەمەس جوبالارعا شەتەلدٸك ينۆەستيتسييا تارتۋ ارقىلى KDIF قورى دا ٶز ٷلەسٸن قوسۋدا. قولعا الىنىپ جاتقان جوبالار قازاقستاندىق ماماندارعا 4,7 مىڭنان استام تۇراقتى جۇمىس ورنىن اشۋعا مٷمكٸندٸك بەرەدٸ», – دەيدٸ تٸكەلەي ينۆەستيتسييالار قورى باسقارۋشى كومپانيياسىنىڭ باسقارما تٶراعاسى ەسەت ەبدٸعاپپاروۆ.
بارلىق جوبالار شيكٸزاتتىق ەمەس سەكتورعا تيەسٸلٸ. اتاپ ايتقاندا, اگرارلىق سالا, تۋريزم مەن ٶڭٸرلٸك ينفراقۇرىلىمدى دامىتۋ. بۇل جوبالار اقمولا, الماتى, ماڭعىستاۋ جەنە تٷركٸستان وبلىستارىندا ٸسكە اسىرىلادى.
4 760 تۇراقتى جۇمىس ورنىنان بٶلەك 2 360 ماۋسىمدىق جۇمىس ورنى اشىلادى. تۇراقتى جۇمىس ورىندارى بويىنشا بٸر جىلدىق جالپى جالاقى قورى 7,7 ملرد تەڭگەنٸ قۇرايدى. كەسٸپورىندار 2025 جىلعا قاراي جوبالىق قۋاتتىلىعىنا شىققاننان كەيٸن بيۋدجەتكە جىلىنا 6,1 ملرد تەڭگە سالىق تٶلەيدٸ.
ەستەرٸڭٸزگە سالا كەتەيٸك, «Kazakhstan Investment Development Fund» Ltd قورى ەل ەكونوميكاسىنا ينۆەستيتسييا تارتۋدىڭ قوسىمشا قۇرالى رەتٸندە 2019 جىلى 30 قاڭتاردا قازاقستان رەسپۋبليكاسىنىڭ تۇڭعىش پرەزيدەنتٸ نۇرسۇلتان نازارباەۆتىڭ جارلىعىمەن قۇرىلعان ەدٸ. قوردىڭ باستاپقى كاپيتاليزاتسيياسى شامامەن 1 ملرد اقش دوللارى بولدى.
