«Astana» telearnasy jańa maýsymyn bastady. Endi ár baǵdarlamanyń rolikteri Abaidyń shyǵarmashylyǵymen ushtastyrylatyn bolady, dep habarlaidy "Ult aqparat".
«Abai álemi - aqyldyń keni!» «Astana» arnasy osyndai uranmen uly aqynnyń 175 jyldyq mereitoiyn atap ótýdi bastap ketti. Osylaisha, arna ujymy Abai shyǵarmalaryn jas urpaq boiyna sińirýge, qadir-qasietin túsindirýge atsalyspaq. Sebebi "ózi ólse de, artynda ólmeituǵyn iz qaldyrǵan" aqyn shyǵarmashylyǵy halyq júreginen esh óshpek emes», - delingen taratylǵan habarlamada.
Atap ótilgendei, 11 qarashadan bastap telearna jańa formatty iske qosty. Iaǵni, stilistikasy ózgerdi. Logotipi meilinshe qarapaiym ári tartymdy úlgige aýystyrylyp, ár baǵdarlamanyń rolikteri hákim Abaidyń shyǵarmashylyǵyna bailanystyrylyp, kórermen nazaryna usynylatyn bolady.
