«استانا» تەلەارناسى جاڭا ماۋسىمىن باستادى. ەندٸ ەر باعدارلامانىڭ روليكتەرٸ ابايدىڭ شىعارماشىلىعىمەن ۇشتاستىرىلاتىن بولادى, دەپ حابارلايدى "ۇلت اقپارات".
«اباي ەلەمٸ - اقىلدىڭ كەنٸ!» «استانا» ارناسى وسىنداي ۇرانمەن ۇلى اقىننىڭ 175 جىلدىق مەرەيتويىن اتاپ ٶتۋدٸ باستاپ كەتتٸ. وسىلايشا, ارنا ۇجىمى اباي شىعارمالارىن جاس ۇرپاق بويىنا سٸڭٸرۋگە, قادٸر-قاسيەتٸن تٷسٸندٸرۋگە اتسالىسپاق. سەبەبٸ "ٶزٸ ٶلسە دە, ارتىندا ٶلمەيتۇعىن ٸز قالدىرعان" اقىن شىعارماشىلىعى حالىق جٷرەگٸنەن ەش ٶشپەك ەمەس», - دەلٸنگەن تاراتىلعان حابارلامادا.
اتاپ ٶتٸلگەندەي, 11 قاراشادان باستاپ تەلەارنا جاڭا فورماتتى ٸسكە قوستى. ياعني, ستيليستيكاسى ٶزگەردٸ. لوگوتيپٸ مەيلٸنشە قاراپايىم ەرٸ تارتىمدى ٷلگٸگە اۋىستىرىلىپ, ەر باعدارلامانىڭ روليكتەرٸ حەكٸم ابايدىڭ شىعارماشىلىعىنا بايلانىستىرىلىپ, كٶرەرمەن نازارىنا ۇسىنىلاتىن بولادى.
