Aspara-Shý aralyǵyndaǵy temir jol jóndeldi. Bul jaiynda «Qazaqstan temir joly» kompaniiasynyń baspasóz hatshysy Qaisar Jumabaiuly Facebook paraqshasynda jazdy, dep habarlaidy "Ult aqparat".
«Aspara-Shý aralyǵyndaǵy temir jol jóndelip, qozǵalys qalpyna keltirildi. Túngi saǵat 2:15-te birinshi konteiner tiegen poiyz kópir arqyly ótkizildi. Onyń artynan Shymkent Nur-Sultan baǵytymen júretin Talgo poezi jóneltildi. Keshigip jatqan poiyzdar týraly aqparatty temirjol vokzaldarynyń anyqtama biýrosynan nemese «105» biryńǵai anyqtama qyzmetinen bilýge bolady», - dedi Qaisar Jumabaiuly.
Esterińizge sala ketsek, keshe Jambyl oblysy Merki aýdany taýlarynda qalyń jaýǵan qar aralas nóser saldarynan jergilikti avtojol jáne Aspara-Shý aralyǵyndaǵy temirjol kópiriniń tiregin sý shaiyp ketken bolatyn.
