اسپارا-شۋ ارالىعىنداعى تەمٸر جول جٶندەلدٸ. بۇل جايىندا «قازاقستان تەمٸر جولى» كومپانيياسىنىڭ باسپاسٶز حاتشىسى قايسار جۇمابايۇلى Facebook پاراقشاسىندا جازدى, دەپ حابارلايدى "ۇلت اقپارات".
«اسپارا-شۋ ارالىعىنداعى تەمٸر جول جٶندەلٸپ, قوزعالىس قالپىنا كەلتٸرٸلدٸ. تٷنگٸ ساعات 2:15-تە بٸرٸنشٸ كونتەينەر تيەگەن پويىز كٶپٸر ارقىلى ٶتكٸزٸلدٸ. ونىڭ ارتىنان شىمكەنت نۇر-سۇلتان باعىتىمەن جٷرەتٸن تالگو پوەزٸ جٶنەلتٸلدٸ. كەشٸگٸپ جاتقان پويىزدار تۋرالى اقپاراتتى تەمٸرجول ۆوكزالدارىنىڭ انىقتاما بيۋروسىنان نەمەسە «105» بٸرىڭعاي انىقتاما قىزمەتٸنەن بٸلۋگە بولادى», - دەدٸ قايسار جۇمابايۇلى.
ەستەرٸڭٸزگە سالا كەتسەك, كەشە جامبىل وبلىسى مەركٸ اۋدانى تاۋلارىندا قالىڭ جاۋعان قار ارالاس نٶسەر سالدارىنان جەرگٸلٸكتٸ اۆتوجول جەنە اسپارا-شۋ ارالىعىنداعى تەمٸرجول كٶپٸرٸنٸڭ تٸرەگٸن سۋ شايىپ كەتكەن بولاتىن.
