Foto: videodan skrinshot
Qazaqstan Respýblikasynyń Bas prokýratýrasy asa iri mólsherde birneshe ret alaiaqtyq jasaǵany úshin qylmystyq jaýaptylyqqa tartý maqsatynda Qazaqstan azamatyn Resei Federatsiiasynan ekstraditsiialady, dep habarlaidy Ult.kz.
Tergeý málimetinshe, kúdikti 2024–2025 jyldar aralyǵynda Taraz qalasynda ózin kommertsiialyq uiymnyń qyzmetkeri retinde tanystyryp, azamattarǵa investitsiia arqyly joǵary tabys tabýǵa ýáde bergen. Ol adamdardy ártúrli taýarlardy kóterme satyp alyp, keiin satý boiynsha birlesken kásipke shaqyrǵan.
Alaida kúdikti alǵan qarjysyn mindettemelerin oryndaýǵa emes, jeke qajetine jumsap, qarajatty jymqyrǵan. Onyń qylmystyq áreketteri saldarynan Qazaqstannyń alty azamatyna 100 million teńgeden astam materialdyq zalal keltirilgen.
Qylmys jasaǵannan keiin kúdikti jasyrynyp, oǵan halyqaralyq izdeý jariialanǵan. Aǵymdaǵy jyldyń tamyz aiynda ol Resei aýmaǵynda ustalyp, Qazaqstan Respýblikasy Bas prokýratýrasynyń suraýy boiynsha elge ekstraditsiialandy.
Qazirgi ýaqytta kúdikti tergeý izoliatoryna qamaldy. Atalǵan qylmys úshin múlkin tárkileý jáne 5 jyldan 10 jylǵa deiin bas bostandyǵynan aiyrý jazasy kózdelgen.
