فوتو: ۆيدەودان سكرينشوت
قازاقستان رەسپۋبليكاسىنىڭ باس پروكۋراتۋراسى اسا ٸرٸ مٶلشەردە بٸرنەشە رەت الاياقتىق جاساعانى ٷشٸن قىلمىستىق جاۋاپتىلىققا تارتۋ ماقساتىندا قازاقستان ازاماتىن رەسەي فەدەراتسيياسىنان ەكستراديتسييالادى, دەپ حابارلايدى Ult.kz.
تەرگەۋ مەلٸمەتٸنشە, كٷدٸكتٸ 2024–2025 جىلدار ارالىعىندا تاراز قالاسىندا ٶزٸن كوممەرتسييالىق ۇيىمنىڭ قىزمەتكەرٸ رەتٸندە تانىستىرىپ, ازاماتتارعا ينۆەستيتسييا ارقىلى جوعارى تابىس تابۋعا ۋەدە بەرگەن. ول ادامداردى ەرتٷرلٸ تاۋارلاردى كٶتەرمە ساتىپ الىپ, كەيٸن ساتۋ بويىنشا بٸرلەسكەن كەسٸپكە شاقىرعان.
الايدا كٷدٸكتٸ العان قارجىسىن مٸندەتتەمەلەرٸن ورىنداۋعا ەمەس, جەكە قاجەتٸنە جۇمساپ, قاراجاتتى جىمقىرعان. ونىڭ قىلمىستىق ەرەكەتتەرٸ سالدارىنان قازاقستاننىڭ التى ازاماتىنا 100 ميلليون تەڭگەدەن استام ماتەريالدىق زالال كەلتٸرٸلگەن.
قىلمىس جاساعاننان كەيٸن كٷدٸكتٸ جاسىرىنىپ, وعان حالىقارالىق ٸزدەۋ جارييالانعان. اعىمداعى جىلدىڭ تامىز ايىندا ول رەسەي اۋماعىندا ۇستالىپ, قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا ەلگە ەكستراديتسييالاندى.
قازٸرگٸ ۋاقىتتا كٷدٸكتٸ تەرگەۋ يزولياتورىنا قامالدى. اتالعان قىلمىس ٷشٸن مٷلكٸن تەركٸلەۋ جەنە 5 جىلدان 10 جىلعا دەيٸن باس بوستاندىعىنان ايىرۋ جازاسى كٶزدەلگەن.
