«ArselorMittal Temirtaý» AQ el Prezidentiniń jalaqyny ósirý bastamasyn qoldaǵan iri ónerkásip kásiporyndarynyń biri boldy, dep habarlaidy "Ult aqparat".
2019 jyldyń 1 qańtarynan bastap kompaniia jumyskerleriniń tarifteri men ailyǵy 8-10 paiyz ósedi. Budan basqa, ujymdyq kelisimshartqa sáikes, kompaniia jumyskerleriniń jalaqysy 2018 jylǵy infliatsiia deńgeiinen 50 paiyz indeksteledi.
«Ózderińiz bilesizder, bizdiń Prezidentimiz 2019 jyldyń 1 qańtarynan bastap búkil Qazaqstan boiynsha eń tómengi jalaqy mólsherin ósirý týraly aitqan. Biz Nursultan Nazarbaevtyń metallýrg bolǵanyn, eńbek jolyn bizdiń kombinatta bastaǵanyn maqtan etemiz. Biz Memleket basshysynyń eń tómengi jalaqy mólsherin ósirý bastamasyn qoldaǵan alǵashqylardyń birimiz. Bul sheshimdi ujym bolyp qabyldadyq», - dep málimdedi «ArselorMittal TMD» Bas direktory Paramjit Kalon.
Jalaqyny ósirý «ArselorMittal Temirtaýdyń» barlyq qurylymdyq bólimsheleri, sondai-aq enshiles kompaniialaryna tiesili.
Budan basqa, 2019 jyldyń birinshi maýsymynda kompaniia óndiristik nátijelerge qarap 13-shi jalaqyny tóleýge ýáde berip otyr.
Paramjit Kalon «ArselorMittal Temirtaý» AQ-da 2019 jyldyń 1 qańtarynan bastap jańa eń tómengi jalaqy mólsheri salalyq koeffitsientti esepke alǵanda ziiandy eńbek jaǵdaiynda jumys istep júrgender úshin 77 myń teńgeden asatynyn naqtylady.
