«ارسەلورميتتال تەمٸرتاۋ» اق ەل پرەزيدەنتٸنٸڭ جالاقىنى ٶسٸرۋ باستاماسىن قولداعان ٸرٸ ٶنەركەسٸپ كەسٸپورىندارىنىڭ بٸرٸ بولدى, دەپ حابارلايدى "ۇلت اقپارات".
2019 جىلدىڭ 1 قاڭتارىنان باستاپ كومپانييا جۇمىسكەرلەرٸنٸڭ تاريفتەرٸ مەن ايلىعى 8-10 پايىز ٶسەدٸ. بۇدان باسقا, ۇجىمدىق كەلٸسٸمشارتقا سەيكەس, كومپانييا جۇمىسكەرلەرٸنٸڭ جالاقىسى 2018 جىلعى ينفلياتسييا دەڭگەيٸنەن 50 پايىز يندەكستەلەدٸ.
«ٶزدەرٸڭٸز بٸلەسٸزدەر, بٸزدٸڭ پرەزيدەنتٸمٸز 2019 جىلدىڭ 1 قاڭتارىنان باستاپ بٷكٸل قازاقستان بويىنشا ەڭ تٶمەنگٸ جالاقى مٶلشەرٸن ٶسٸرۋ تۋرالى ايتقان. بٸز نۇرسۇلتان نازارباەۆتىڭ مەتاللۋرگ بولعانىن, ەڭبەك جولىن بٸزدٸڭ كومبيناتتا باستاعانىن ماقتان ەتەمٸز. بٸز مەملەكەت باسشىسىنىڭ ەڭ تٶمەنگٸ جالاقى مٶلشەرٸن ٶسٸرۋ باستاماسىن قولداعان العاشقىلاردىڭ بٸرٸمٸز. بۇل شەشٸمدٸ ۇجىم بولىپ قابىلدادىق», - دەپ مەلٸمدەدٸ «ارسەلورميتتال تمد» باس ديرەكتورى پارامجيت كالون.
جالاقىنى ٶسٸرۋ «ارسەلورميتتال تەمٸرتاۋدىڭ» بارلىق قۇرىلىمدىق بٶلٸمشەلەرٸ, سونداي-اق ەنشٸلەس كومپانييالارىنا تيەسٸلٸ.
بۇدان باسقا, 2019 جىلدىڭ بٸرٸنشٸ ماۋسىمىندا كومپانييا ٶندٸرٸستٸك نەتيجەلەرگە قاراپ 13-شٸ جالاقىنى تٶلەۋگە ۋەدە بەرٸپ وتىر.
پارامجيت كالون «ارسەلورميتتال تەمٸرتاۋ» اق-دا 2019 جىلدىڭ 1 قاڭتارىنان باستاپ جاڭا ەڭ تٶمەنگٸ جالاقى مٶلشەرٸ سالالىق كوەففيتسيەنتتٸ ەسەپكە العاندا زيياندى ەڭبەك جاعدايىندا جۇمىس ٸستەپ جٷرگەندەر ٷشٸن 77 مىڭ تەڭگەدەن اساتىنىن ناقتىلادى.
