Foto: REUTERS/Francois Lenoir - RTSHKKE
Ónerkásip jáne qurylys ministri Qanat Sharlapaev Úkimet otyrysynan keiin ótken baspasóz konferentsiiasynda «ArsellorMittal Temirtaý» aktivterin qaitarý kelisimi birneshe kózden qarjylandyrylatynyn aitty, dep habarlaidy Kazinform agenttigi.
«Bul jaǵdaida kelisimdi biýdjettik nemese kvazimemlekettik sektordyń qatysy bolmaityndai etip qurylymdaimyz. Iaǵni, osy kelisimdi uiymdastyrýǵa qarjy tartamyz», - dedi ol BAQ ókiliniń suraǵyna bergen jaýabynda.
Aitýynsha, kelisimdi uiymdastyrýshy kompaniia bekitilgen.
«Kelisimniń taraptary – Qazaqstan Respýblikasy men «ArselorMittal Temirtaý» kompaniiasy. Qazaqstan tikelei kelisimniń bir tarapy bola almaidy. Qandai da bir zańdy tulǵa bolýy kerek. Ony belgiledik. Qazir zańnamalyq jaǵyn pysyqtap jatyrmyz. Ol uiymdastyrýshynyń kim ekenin aita almaimyn. Óitkeni «Arselormen» qupiialyq týraly qujatqa qol qoiǵanbyz. Bul - 100 paiyz Qazaqstan Respýblikasy baqylaityn kompaniia», - dedi Qanat Sharlapaev.
Sondai-aq, ol kelisimniń sharttaryn naqty aitýǵa haqysy joq ekenin aitty.
«Áńgime aitarlyqtai eleýli tranzaktsiia týraly bolyp tur. Bul - kúrdeli protsedýra. Biz 32 myń adam jumys isteitin iri kásiporyndardyń biri týraly aityp otyrmyz. Bizde osy kelisimdi uiymdastyrýdyń birneshe qarjylandyrý kózi bolady. Men qandai da bir jerden qandai da bir soma alamyz dep qarabaiyrlap aita almaimyn. Memlekette ázirshe ol aqparatty ashyp aitý múmkindigi joq. Óitkeni bárimiz qupiialyq týraly kelisimge baǵynyshtymyz», - dedi Qanat Sharlapaev.
