فوتو: REUTERS/Francois Lenoir - RTSHKKE
ٶنەركەسٸپ جەنە قۇرىلىس مينيسترٸ قانات شارلاپاەۆ ٷكٸمەت وتىرىسىنان كەيٸن ٶتكەن باسپاسٶز كونفەرەنتسيياسىندا «ارسەللورميتتال تەمٸرتاۋ» اكتيۆتەرٸن قايتارۋ كەلٸسٸمٸ بٸرنەشە كٶزدەن قارجىلاندىرىلاتىنىن ايتتى, دەپ حابارلايدى Kazinform اگەنتتٸگٸ.
«بۇل جاعدايدا كەلٸسٸمدٸ بيۋدجەتتٸك نەمەسە كۆازيمەملەكەتتٸك سەكتوردىڭ قاتىسى بولمايتىنداي ەتٸپ قۇرىلىمدايمىز. ياعني, وسى كەلٸسٸمدٸ ۇيىمداستىرۋعا قارجى تارتامىز», - دەدٸ ول باق ٶكٸلٸنٸڭ سۇراعىنا بەرگەن جاۋابىندا.
ايتۋىنشا, كەلٸسٸمدٸ ۇيىمداستىرۋشى كومپانييا بەكٸتٸلگەن.
«كەلٸسٸمنٸڭ تاراپتارى – قازاقستان رەسپۋبليكاسى مەن «ارسەلورميتتال تەمٸرتاۋ» كومپانيياسى. قازاقستان تٸكەلەي كەلٸسٸمنٸڭ بٸر تاراپى بولا المايدى. قانداي دا بٸر زاڭدى تۇلعا بولۋى كەرەك. ونى بەلگٸلەدٸك. قازٸر زاڭنامالىق جاعىن پىسىقتاپ جاتىرمىز. ول ۇيىمداستىرۋشىنىڭ كٸم ەكەنٸن ايتا المايمىن. ٶيتكەنٸ «ارسەلورمەن» قۇپييالىق تۋرالى قۇجاتقا قول قويعانبىز. بۇل - 100 پايىز قازاقستان رەسپۋبليكاسى باقىلايتىن كومپانييا», - دەدٸ قانات شارلاپاەۆ.
سونداي-اق, ول كەلٸسٸمنٸڭ شارتتارىن ناقتى ايتۋعا حاقىسى جوق ەكەنٸن ايتتى.
«ەڭگٸمە ايتارلىقتاي ەلەۋلٸ ترانزاكتسييا تۋرالى بولىپ تۇر. بۇل - كٷردەلٸ پروتسەدۋرا. بٸز 32 مىڭ ادام جۇمىس ٸستەيتٸن ٸرٸ كەسٸپورىنداردىڭ بٸرٸ تۋرالى ايتىپ وتىرمىز. بٸزدە وسى كەلٸسٸمدٸ ۇيىمداستىرۋدىڭ بٸرنەشە قارجىلاندىرۋ كٶزٸ بولادى. مەن قانداي دا بٸر جەردەن قانداي دا بٸر سوما الامىز دەپ قارابايىرلاپ ايتا المايمىن. مەملەكەتتە ەزٸرشە ول اقپاراتتى اشىپ ايتۋ مٷمكٸندٸگٸ جوق. ٶيتكەنٸ بەرٸمٸز قۇپييالىق تۋرالى كەلٸسٸمگە باعىنىشتىمىز», - دەدٸ قانات شارلاپاەۆ.
