26 naýryzda QR Ishki ister ministrligi UQK jáne BP-men birlesip, sondai-aq, arnaiy jasaq bólimshesiniń qatysýymen Almaty qalasynda jáne Almaty oblysynda arnaiy operatsiia barysynda buryn birneshe ret qylmystyq jaýapkershilikke tartylǵan “Aishýaq-Jantúgel” uiymdasqan qylmystyq tobynyń múshelerin ustady, – dep habarlaidy Polisia.kz.
Júrgizilgen arnaiy operatsiianyń nátijeleri boiynsha ustalǵandardan eki "Kalashnikov" avtomaty, bes ańshylyq kelte myltyq, eki jaýyngerlik tapansha, "Kalashnikov" pnevmatikalyq avtomaty, "F-1" qorǵanys qol granatasy, oq ótpeitin eki keýdeshe, ańshylyq pyshaq, túrli kalibrli 350-den astam oq-dári, sondai-aq, 5700 AQSh dollary jáne 107 myń teńge somasyndaǵy aqshalai qarajat tárkilendi.
Qazirgi ýaqytta ustalǵan adamdardyń ózge de aýyr jáne asa aýyr qylmystarǵa, onyń ishinde qańtar aiynyń basynda oryn alǵan jappai tártipsizdik kezinde jasalǵan qylmystarǵa qatysy bar-joǵy tekserilýde.
Uiymdasqan qylmystyq toptyń basqa da qatysýshylaryn anyqtaý jáne ustaý boiynsha jumys jalǵasyp jatyr.
Ustalǵan adamdarǵa qatysty "qamaýda ustaý" bultartpaý sharasy tańdaldy. Sotaldy tergeý amaldary júrgizilip jatyr.
