26 ناۋرىزدا قر ٸشكٸ ٸستەر مينيسترلٸگٸ ۇقك جەنە بپ-مەن بٸرلەسٸپ, سونداي-اق, ارنايى جاساق بٶلٸمشەسٸنٸڭ قاتىسۋىمەن الماتى قالاسىندا جەنە الماتى وبلىسىندا ارنايى وپەراتسييا بارىسىندا بۇرىن بٸرنەشە رەت قىلمىستىق جاۋاپكەرشٸلٸككە تارتىلعان “ايشۋاق-جانتٷگەل” ۇيىمداسقان قىلمىستىق توبىنىڭ مٷشەلەرٸن ۇستادى, – دەپ حابارلايدى Polisia.kz.
جٷرگٸزٸلگەن ارنايى وپەراتسييانىڭ نەتيجەلەرٸ بويىنشا ۇستالعانداردان ەكٸ "كالاشنيكوۆ" اۆتوماتى, بەس اڭشىلىق كەلتە مىلتىق, ەكٸ جاۋىنگەرلٸك تاپانشا, "كالاشنيكوۆ" پنەۆماتيكالىق اۆتوماتى, "ف-1" قورعانىس قول گراناتاسى, وق ٶتپەيتٸن ەكٸ كەۋدەشە, اڭشىلىق پىشاق, تٷرلٸ كاليبرلٸ 350-دەن استام وق-دەرٸ, سونداي-اق, 5700 اقش دوللارى جەنە 107 مىڭ تەڭگە سوماسىنداعى اقشالاي قاراجات تەركٸلەندٸ.
قازٸرگٸ ۋاقىتتا ۇستالعان ادامداردىڭ ٶزگە دە اۋىر جەنە اسا اۋىر قىلمىستارعا, ونىڭ ٸشٸندە قاڭتار ايىنىڭ باسىندا ورىن العان جاپپاي تەرتٸپسٸزدٸك كەزٸندە جاسالعان قىلمىستارعا قاتىسى بار-جوعى تەكسەرٸلۋدە.
ۇيىمداسقان قىلمىستىق توپتىڭ باسقا دا قاتىسۋشىلارىن انىقتاۋ جەنە ۇستاۋ بويىنشا جۇمىس جالعاسىپ جاتىر.
ۇستالعان ادامدارعا قاتىستى "قاماۋدا ۇستاۋ" بۇلتارتپاۋ شاراسى تاڭدالدى. سوتالدى تەرگەۋ امالدارى جٷرگٸزٸلٸپ جاتىر.
