Armeniia premer-ministri sáýir aiynda otstavkaǵa ketetinin málimdedi. Nikol Pashinian muny "ketý úshin emes, kezekten tys parlament sailaýyn ótkizý úshin" jasap otyrǵanyn aitty. Zań boiynsha ol daýys berýge deiin úkimet jetekshisi mindetin atqara beredi.
Armeniiada kezekten tys parlament sailaýy maýsym aiynda ótedi.
Oppozitsiia Pashiniannyń otstavkasyn talap etip otyr. Premerdiń qarsylastary jeksenbi kúni Erevan ortalyǵynda kezekti narazylyq ótkizdi. Buǵan deiin olar Pashinian otstavkaǵa ketpei sailaý ádil ótpeidi dep aitqan. Biraq premer jeńilgen jaǵdaida bilikti "muragerine" tapsyratynyn jetkizgen.
Armeniiada narazylyqtyń jalǵasyp jatqanyna bir aidan astam ýaqyt boldy. Basynda oppozitsiia Taýly Qarabaqta atysty toqtatý týraly Ázerbaijanmen jasalǵan kelisimge narazylyq bildirgen. Qujatqa sáikes, Taýly Qarabaqtyń bir bóligi Ázerbaijan baqylaýyna ótken. Pashinian sondai kelisimniń kómegimen ǵana qaqtyǵysty toqtatýǵa bolatynyn aitqan.
