ارمەنييا پرەمەر-مينيسترٸ سەۋٸر ايىندا وتستاۆكاعا كەتەتٸنٸن مەلٸمدەدٸ. نيكول پاشينيان مۇنى "كەتۋ ٷشٸن ەمەس, كەزەكتەن تىس پارلامەنت سايلاۋىن ٶتكٸزۋ ٷشٸن" جاساپ وتىرعانىن ايتتى. زاڭ بويىنشا ول داۋىس بەرۋگە دەيٸن ٷكٸمەت جەتەكشٸسٸ مٸندەتٸن اتقارا بەرەدٸ.
ارمەنييادا كەزەكتەن تىس پارلامەنت سايلاۋى ماۋسىم ايىندا ٶتەدٸ.
وپپوزيتسييا پاشينياننىڭ وتستاۆكاسىن تالاپ ەتٸپ وتىر. پرەمەردٸڭ قارسىلاستارى جەكسەنبٸ كٷنٸ ەرەۆان ورتالىعىندا كەزەكتٸ نارازىلىق ٶتكٸزدٸ. بۇعان دەيٸن ولار پاشينيان وتستاۆكاعا كەتپەي سايلاۋ ەدٸل ٶتپەيدٸ دەپ ايتقان. بٸراق پرەمەر جەڭٸلگەن جاعدايدا بيلٸكتٸ "مۇراگەرٸنە" تاپسىراتىنىن جەتكٸزگەن.
ارمەنييادا نارازىلىقتىڭ جالعاسىپ جاتقانىنا بٸر ايدان استام ۋاقىت بولدى. باسىندا وپپوزيتسييا تاۋلى قاراباقتا اتىستى توقتاتۋ تۋرالى ەزەربايجانمەن جاسالعان كەلٸسٸمگە نارازىلىق بٸلدٸرگەن. قۇجاتقا سەيكەس, تاۋلى قاراباقتىڭ بٸر بٶلٸگٸ ەزەربايجان باقىلاۋىنا ٶتكەن. پاشينيان سونداي كەلٸسٸمنٸڭ كٶمەگٸمەن عانا قاقتىعىستى توقتاتۋعا بولاتىنىن ايتقان.
