Qazaqstan halyqaralyq áýe qatynastarynyń geografiiasyn keńeitý jumystaryn jalǵastyrýda. Maýsym aiynda elimizge Armeniia men Ózbekstannyń áýe kompaniialary jańa baǵyttar boiynsha turaqty reister ashady, dep habarlaidy ult.kz.
Qazaqstan Respýblikasy Kólik ministrliginiń Azamattyq aviatsiia komitetiniń málimetinshe, 12 maýsymnan bastap Armeniianyń FlyOne Armenia áýe kompaniiasy Qazaqstan naryǵyna shyǵyp, Erevan – Almaty baǵyty boiynsha turaqty reister oryndai bastaidy.
Reister aptasyna eki ret – dúisenbi jáne juma kúnderi júzege asyrylady. Sonyń nátijesinde Qazaqstan men Armeniia arasyndaǵy reister sany aptasyna 3-ten 5 reiske deiin artady.
Sondai-aq 13 maýsymnan bastap Ózbekstannyń My Freighter (Centrum Air) áýe kompaniiasy Tashkent – Qostanai jańa baǵytyn iske qosýdy josparlap otyr.
Reister aptasyna bir ret – senbi kúnderi Airbus A320 ushaǵymen oryndalady.
Vedomstvonyń málimetinshe, jańa baǵyttardyń ashylýy Qazaqstannyń Armeniia jáne Ózbekstanmen saýda-ekonomikalyq, investitsiialyq, týristik jáne mádeni bailanystaryn nyǵaitýǵa múmkindik beredi. Sonymen qatar jolaýshylar úshin halyqaralyq baǵyttardyń qoljetimdiligi artyp, elder arasyndaǵy qatynas jandana túspek.
