Ulttyq qoǵamdyq senim keńesiniń burynǵy múshesi Arman Shoraev ýaqytsha ustaý izoliatoryna qamaldy. Bul týraly 18 sáýirde keshke qarai Almaty qalalyq politsiia departamenti habarlady. Politsiianyń aitýynsha, "tótenshe jaǵdai kezinde kórineý jalǵan aqparat taratý" (Qylmystyń kodekstiń 274-baby, 4-tarmaǵy) boiynsha qylmystyq is qozǵalǵan.
"Shoraev myrza áleýmettik jeliler arqyly birneshe ret shyndyqqa janaspaityn jalǵan aqparat taratqan. Óziniń áreketterimen tótenshe jaǵdai kezinde qoǵamdyq tártipke qaýip tóndirip, qoǵam men memleket múddesine ziian tigizgen. Shoraev myrza Qaraǵandy qalasynyń aýmaǵynda Qylmystyq-protsessýaldyq kodekstiń 128-baby boiynsha ustalyp, ýaqytsha ustaý izoliatoryna qamaldy. Tergeý amaldary jalǵasyp jatyr" delingen politsiia habarlamasynda.
49 jastaǵy Arman Shoraev 2004-2006 jyldary "Habar" AQ-yn basqarǵan. Keiinirek Prezident Ákimshiliginde saiasi-qoǵamdyq bólimde bas inpektor qyzmetin atqarǵan.
2007 jyldyń maýsymy men 2014 jyldyń qarasha ailary aralyǵynda KTK arnasynyń ("Kommertsiialyq telearna") bas direktory bolǵan.
2020 jyldyń naýryzyna deiin Prezident janyndaǵy ulttyq qoǵamdyq senim keńesiniń múshesi boldy.
