ۇلتتىق قوعامدىق سەنٸم كەڭەسٸنٸڭ بۇرىنعى مٷشەسٸ ارمان شوراەۆ ۋاقىتشا ۇستاۋ يزولياتورىنا قامالدى. بۇل تۋرالى 18 سەۋٸردە كەشكە قاراي الماتى قالالىق پوليتسييا دەپارتامەنتٸ حابارلادى. پوليتسييانىڭ ايتۋىنشا, "تٶتەنشە جاعداي كەزٸندە كٶرٸنەۋ جالعان اقپارات تاراتۋ" (قىلمىستىڭ كودەكستٸڭ 274-بابى, 4-تارماعى) بويىنشا قىلمىستىق ٸس قوزعالعان.
"شوراەۆ مىرزا ەلەۋمەتتٸك جەلٸلەر ارقىلى بٸرنەشە رەت شىندىققا جاناسپايتىن جالعان اقپارات تاراتقان. ٶزٸنٸڭ ەرەكەتتەرٸمەن تٶتەنشە جاعداي كەزٸندە قوعامدىق تەرتٸپكە قاۋٸپ تٶندٸرٸپ, قوعام مەن مەملەكەت مٷددەسٸنە زييان تيگٸزگەن. شوراەۆ مىرزا قاراعاندى قالاسىنىڭ اۋماعىندا قىلمىستىق-پروتسەسسۋالدىق كودەكستٸڭ 128-بابى بويىنشا ۇستالىپ, ۋاقىتشا ۇستاۋ يزولياتورىنا قامالدى. تەرگەۋ امالدارى جالعاسىپ جاتىر" دەلٸنگەن پوليتسييا حابارلاماسىندا.
49 جاستاعى ارمان شوراەۆ 2004-2006 جىلدارى "حابار" اق-ىن باسقارعان. كەيٸنٸرەك پرەزيدەنت ەكٸمشٸلٸگٸندە ساياسي-قوعامدىق بٶلٸمدە باس ينپەكتور قىزمەتٸن اتقارعان.
2007 جىلدىڭ ماۋسىمى مەن 2014 جىلدىڭ قاراشا ايلارى ارالىعىندا كتك ارناسىنىڭ ("كوممەرتسييالىق تەلەارنا") باس ديرەكتورى بولعان.
2020 جىلدىڭ ناۋرىزىنا دەيٸن پرەزيدەنت جانىنداعى ۇلتتىق قوعامدىق سەنٸم كەڭەسٸنٸڭ مٷشەسٸ بولدى.
