Arqalyq qalasyndaǵy Torǵai boksit ken basqarmasy (TBKB) resmi túrde jabyldy. Qazirgi ýaqytta qyzmetkerler basqa jumystarǵa ornalastyrylyp jatyr, dep habarlaidy "Ult aqparat" Arqalyq qalasynyń ákimi Qairat Ábishevke silteme jasap.
Qala ákiminiń aitýynsha, jumyssyz qalǵan turǵyndarǵa barynsha qoldaý kórsetiledi. Jergilikti kásipkerler de memlekettik baǵdarlamalar sheńberinde jańa jumys oryndaryn ashpaq. Búginde TBKB-da jumys taýyp úlgermegen 269 adam bar. Olardyń ekeýi ýaqytsha jumys istep jatsa, 79 adam usynylǵan jumystan bas tartqan. ERG-diń basqa kásiporyndaryna buǵan deiin 189 adam qyzmetke alynǵan.
«2021 jyldyń qańtar aiynda ken basqarmasy qyzmetiniń tolyq toqtaýyna bailanysty ERG toby ókilderiniń, Qostanai oblysy ákiminiń orynbasarynyń, Arqalyq qalasy kásipkerleriniń qatysýymen keńes ótti.
Onda «Eýraziialyq Top» JShS alańynda bosatylatyn obektilerdi TBKB-na berý máseleleri qaraldy. Atalmysh nysandar qaitarymsyz negizde beriledi dep josparlanýda. TBKB qyzmetkerlerin jumysqa ornalastyrý sharty da jasalady», - dedi Qairat Ábishev.
Qazirdiń ózinde jergilikti «Alliýminstroi» seriktestiginiń janar-jaǵarmai nysandary, tehnologiialyq kólik tsehy, jóndeý-energetikalyq jabdyqtary men qoima sharýashylyǵy ýchaskelerine 80 jumysshy alynady.
Qala ákimi aitqandai, «Eńbek» baǵdarlamasy aiasynda Arqalyqta tórt jobaǵa 53 mln teńge shaǵyn nesie berildi. «Bastaý-biznes» boiynsha 17 Arqalyq turǵynyna kásipterin damytý úshin jalpy somasy 47 mln teńge qarajat berildi, eki kópbalaly ana 1 mln teńgege grant qarajatyna qol jetkizdi. Olar ońaltý ortalyǵy men balalar mektebin ashqan.
