ارقالىق قالاسىنداعى تورعاي بوكسيت كەن باسقارماسى (تبكب) رەسمي تٷردە جابىلدى. قازٸرگٸ ۋاقىتتا قىزمەتكەرلەر باسقا جۇمىستارعا ورنالاستىرىلىپ جاتىر, دەپ حابارلايدى "ۇلت اقپارات" ارقالىق قالاسىنىڭ ەكٸمٸ قايرات ەبٸشەۆكە سٸلتەمە جاساپ.
قالا ەكٸمٸنٸڭ ايتۋىنشا, جۇمىسسىز قالعان تۇرعىندارعا بارىنشا قولداۋ كٶرسەتٸلەدٸ. جەرگٸلٸكتٸ كەسٸپكەرلەر دە مەملەكەتتٸك باعدارلامالار شەڭبەرٸندە جاڭا جۇمىس ورىندارىن اشپاق. بٷگٸندە تبكب-دا جۇمىس تاۋىپ ٷلگەرمەگەن 269 ادام بار. ولاردىڭ ەكەۋٸ ۋاقىتشا جۇمىس ٸستەپ جاتسا, 79 ادام ۇسىنىلعان جۇمىستان باس تارتقان. ERG-دٸڭ باسقا كەسٸپورىندارىنا بۇعان دەيٸن 189 ادام قىزمەتكە الىنعان.
«2021 جىلدىڭ قاڭتار ايىندا كەن باسقارماسى قىزمەتٸنٸڭ تولىق توقتاۋىنا بايلانىستى ERG توبى ٶكٸلدەرٸنٸڭ, قوستاناي وبلىسى ەكٸمٸنٸڭ ورىنباسارىنىڭ, ارقالىق قالاسى كەسٸپكەرلەرٸنٸڭ قاتىسۋىمەن كەڭەس ٶتتٸ.
وندا «ەۋرازييالىق توپ» جشس الاڭىندا بوساتىلاتىن وبەكتٸلەردٸ تبكب-نا بەرۋ مەسەلەلەرٸ قارالدى. اتالمىش نىساندار قايتارىمسىز نەگٸزدە بەرٸلەدٸ دەپ جوسپارلانۋدا. تبكب قىزمەتكەرلەرٸن جۇمىسقا ورنالاستىرۋ شارتى دا جاسالادى», - دەدٸ قايرات ەبٸشەۆ.
قازٸردٸڭ ٶزٸندە جەرگٸلٸكتٸ «الليۋمينستروي» سەرٸكتەستٸگٸنٸڭ جانار-جاعارماي نىساندارى, تەحنولوگييالىق كٶلٸك تسەحى, جٶندەۋ-ەنەرگەتيكالىق جابدىقتارى مەن قويما شارۋاشىلىعى ۋچاسكەلەرٸنە 80 جۇمىسشى الىنادى.
قالا ەكٸمٸ ايتقانداي, «ەڭبەك» باعدارلاماسى اياسىندا ارقالىقتا تٶرت جوباعا 53 ملن تەڭگە شاعىن نەسيە بەرٸلدٸ. «باستاۋ-بيزنەس» بويىنشا 17 ارقالىق تۇرعىنىنا كەسٸپتەرٸن دامىتۋ ٷشٸن جالپى سوماسى 47 ملن تەڭگە قاراجات بەرٸلدٸ, ەكٸ كٶپبالالى انا 1 ملن تەڭگەگە گرانت قاراجاتىنا قول جەتكٸزدٸ. ولار وڭالتۋ ورتالىعى مەن بالالار مەكتەبٸن اشقان.
