Aqyn, Qazaqstan Jazýshylar odaǵynyń múshesi, Qazaqstannyń eńbek sińirgen qairatkeri, Halyqaralyq "Alash" ádebi syilyǵynyń iegeri Bekjan Áshirbaev 52 jasqa qaraǵan shaǵynda dúnieden ozdy, dep habarlaidy ult.kz.
Qaraly habardy Jazýshylar odaǵy málimdedi. Áshirbaev Bekjan Tórebekuly 1974 jyly Ońtústik Qazaqstan oblysy, Maqtaaral aýdany, «Lenin joly» ujymsharynda dúniege kelgen.
1996 jyly Ál-Farabi atyndaǵy Qazaq ulttyq ýniversitetiniń jýrnalistika fakýltetin úzdik bitirgen. Sol jyldan beri atalmysh bilim ordasynda qyzmet atqaryp keldi. Jýrnalistika salasynda eleýli eńbek etti.
Ál-Farabi atyndaǵy QazUÝ-dyń respýblikaǵa taraityn «Qazaq ýniversiteti» gazetiniń bas redaktory (2002-2006); Respýblikalyq «Azamat.kz» qoǵamdyq-saiasi aptalyǵy bas redaktorynyń birinshi orynbasary (2005-2006); Respýblikalyq «El men Jer» qoǵamdyq-saiasi aptalyǵynyń bas redaktory (2006); Respýblikalyq «Jas qazaq úni» gazeti bas redaktorynyń orynbasary (2007); Qazaqstan Jazýshylar Odaǵyna qarasty respýblikalyq «Qazaq ádebieti» gazeti bas redaktorynyń birinshi orynbasary t.b. qyzmetterdi atqardy.
Qazaqstan Jýrnalister odaǵynyń múshesi. Respýblikalyq «Qazaq ádebieti», «Juldyz», Jas qazaq úni», «Azamat.kz», «Parasat» basylymdarynda toptama óleńderi jariialandy. 2008 jyly «Jazýshy» baspasynan memlekettik tapsyrys boiynsha jaryq kórgen «Qońyr áýen» óleńder kitabynyń jáne ózge de jyr jinaqtarynyń avtory.
