«Jolaýshylar tasymaly» kompaniiasy Qandyaǵash-Aqtóbe baǵytyndaǵy №691/692 poiyzynda bolǵan qaiǵyly oqiǵaǵa qatysty málimdeme jasady, dep habarlaidy ult.kz, bairaq.media-ǵa silteme qaldyryp.
Kompaniianyń málimetinshe, bileti joq jolaýshy jol ústinde kenetten qaitys bolǵan.
Oqiǵadan keiin júrgizilgen qyzmettik tekserý barysynda vagondaǵy konditsionerdiń qalypty jumys istegeni anyqtalǵan. Soǵan qaramastan, oqiǵaǵa bailanysty eki jolserik pen poiyz bastyǵy qyzmetinen bosatylǵan.
Aldyn ala boljam boiynsha, jolaýshy ekijaqty ókpe qabynýynan kóz jumǵan bolýy múmkin.
Qazirgi ýaqytta oqiǵanyń barlyq mán-jaiyn kóliktegi politsiia qyzmetkerleri tekserip jatyr. Tergeý nátijesinde qosymsha aqparat jariialanýy múmkin.
